كشف وزير العدل، عبد اللطيف وهبي، أن قضية شراء أيام السجن لا زالت قيد النقاش.
وقال وهبي خلال استضافته في برنامج “مع الرمضاني”، يوم أمس الأحد (18 يونيو)، إن “قضية شراء المتهم لأيام الحبس ديالو ما زال فيها نقاش حاد، وما تنساتش”.
وأضاف وهبي “اللي خاص الناس يعرفو را ماشي دير جريمة وسير خلص وخرج، را هاد القضية عندها شروط”، مشيرا إلى أنه “خاصك دوّز واحد المدة وتكون كتوفر فيك مجموعة ديال الشروط اللي القاضي غادي يراقبها واش فيك ولا لا، وخاصك تكون داخل السجن أبديت حسن السلوك والندم على الفعل ديالك، وتكون حليتي المشكل مع الضحية اللي تضرر من الجريمة ديالك وتخلص ليه أمورو كاملة، عاد نحددو الأداءات”.
وعن قيمة الدعيرة التي سيؤديها المسجون عن فترة حبسه، قال وهبي “غنشوفو الدخل ديال المتهم يلا كان كبير غادي يخلص 3000 درهم للنهار بحال يلا جالس فلوطيل، ويلا كان الدخل قليل غادي يخلص 50 ولا 100 درهم، ويلا كان متوسط حتو عندو ثمنو معناه غادي يكون نقاش حول هاد الموضوع”.
وأوضح وهبي أنه “يلا جاب الله والمتهم خلص وخرج وعاود دار شي جريمة أخرى ولا مشى عند الضحية ولا أساء لشي شخص أخر، واخا تكون خلصتي غادي ترجع دوز هاديك العقوبة اللي خلصتي والعقوبة ديال الجريمة الجديدة
