في آخر تطورات جريمة مقتل شاب مغربي في السعودية، علم موقع “كيفاش” من أحد أقارب الضحية أن السلطات رخصت بنقل يوسف موج من الرياض إلى المغرب من أجل إتمام عملية الدفن.
وأضاف المصدر ذاته أن “مسؤول في وزارة الخارجية مكلف بمغاربة المهجر أكد لعائلة الضحية أنه سيتم تسريع عملية نقل جثة” الضحية الذي كان يعمل كمدرب في ناد رياضي.
طعنات في القلب
وعن تفاصيل ليلة الواقعة، تقول شيماء زوجة يوسف: “أنا ما عرفاش هاد الشي كيفاش طرا، أنا باقي مصدومة من هاد الشي… دخلت الفايس بوك كنلقاهم لايحين الفيديو ديالو ورجلي غارق فدمو، تصدمت وبقيت كنغوت”.
وأضافت الزوجة المكلومة، في تصريح لموقع “كيفاش”، “اللي قتلو يالاه تقيد فالنادي جا فوقت البوز ديال رجلي، ويمكن رجلي ما بغاش يتريني بيه فوقت الراحة ديالو، ومن بعد داك الرجل خرج للنادي برا وطلع فطوموبيلتو وبقا كيدور بيها حدا النادي، وهز الخنجر ديالو ورجع دخل للنادي”.
وتسترسل الزوجة محاولة نقل ما سمعته على لسان أصدقاء الهالك: “دخل للنادي وبقا كيقوليهم اللي قرب ليا انقلتو، ومشا ضرب يوسف ديركت فقلبو فاش طاح بقا كيضرب فيه”.
وقالت شيماء: “مرة كيقولو ليا مذبوح مرة كيقولو ليا مقتول، أنا ملي غنمشي غنطالب بالكاميرات وغنشوف رجلي أش وقع ليه، ما غنسمحش فحق رجلي يجي واحد يضربو بحال هاكاك ويقتلو حشومة”.
وعن ما إذا كانت أسرة الضحية تلقت اتصالا من جهة مغربية مسؤولة، قالت زوجة يوسف موج: “تواحد ما تواصل معانا بحال تقول شي حشرة، أنا رجلي تكويت فيه وبكيت وبزاف ديال الحوايج، رجلي هو اللي هازني لا أنا لا عائلتو… آخر حاجة كنت نتوقعها هي هادي”.
اعتقال القاتل
وكانت السلطات السعودية أعلنت توقيف الشخص المتورط في قتل الشاب المغربي، يوسف موج، داخل ناد رياضي، مساء أمس الأحد (14 يوليوز).
وصرح المتحدث الإعلامي لشرطة منطقة الرياض أن الأجهزة الأمنية تلقت إخبارا عن “تعرض مقيم مغربي (29 عاماً) للاعتداء خلال عمله في أحد المراكز الرياضية في حي السويدي، من قبل أحد المشتركين في المركز، نتج عنه وفاته إثر تلقيه طعنةٍ بالصدر من سلاح أبيض (سكين)”.
وأسفرت إجراءات البحث والتحري، يضيف المتحدث، عن القبض على الجاني بعد فراره من موقع الحادثة، مشيرا إلى أن الموقوف سعودي في عقده الثالث، وضبطت بحوزته أداة الجريمة، وجرى إيقافه واتخذت بحقه كافة الإجراءات النظامية.
