أكد نزار بركة، الأمين العام لحزب الاستقلال، أن “الفساد موجود بل ازداد للأسف الشديد”، مشيرا إلى أن عدد المتابعات القضائية المتعلقة بحالات الفساد المسجلة خلال الأربع سنوات الأخيرة “قياسي ولم يسجل سابقا بالبلاد، سواء بالنسبة للبرلمانيين أو المنتخبين أو القضاة أو الموظفين، وذلك يعزى لوجود عدة طرق ومؤسسة خاصة لمحاربة الفساد”.
وأضاف بركة، في كلمتها ضمن فعاليات ملتقى الميزان للشباب 2.0 الذي ضم أكثر من 1500 شاب وشابة من مختلف جهات المغرب، يومي السبت والأحد (1 و2 نونبر)، “لكن هادا ما كيعنيش باللي وقف الفساد، الفساد كاين، وهادا ماكايعنيش باللي الفساد ما تزادش، تزاد الفساد، علاش؟ لأن عندنا مشكل ديال القيم”.
واعتبر بركة أن “المشكل الحقيقي ديال البلاد أن داك السيد اللي كيترشى واللي كيشري طوموبيل ودار مزيان هو اللي مزيان، وهاداك اللي معقول هو اللي ما فاهم والو ومضيع عائلتو، هادا هو الواقع فهاد البلاد، تغيرات القيم فهاد البلاد، وبالتالي اليوم إيلا بغينا التخليق راه كننطلقو من القيم”.
وشدد المسؤول الحزبي على أنه “أصبح من الضروري اليوم نراجعو القيم ديالنا ونمشيو في إطاار القيم ديال ديننا الحنيف ونعمل على باش أن النماذج الناجحة الأخلاقية هي اللي نبرزو، واللي تقاتلو باش يوصلو، باش يكون هوما النماذج، عوض الناس اللي وصلو بثقافة الهمز والوصولية وثقافة الفراقشية اللي كنحاربو داخل حزب الاستقلال”.
وكانت فعاليات “ملتقى الميزان 2.0” قد انطلقت بشكل رسمي، يوم السبت (1 نونبر)، بجلسة افتتاحية ترأسها الأمين العام للحزب، بحضور حوالي 1500 شابة وشاب من مختلف جهات المملكة، وعدد من وزراء الحزب وأعضاء اللجنة التنفيذية.
وقد أسفرت نقاشات الملتقى عن توصيات عملية ستشكل القاعدة الأساسية لـ”ميثاق الشباب”، الذي سيقدمه الحزب يوم 11 يناير 2026، تخليداً للذكرى 82 لتقديم وثيقة المطالبة بالاستقلال.
