اعتبر نزار بركة، الأمين العام لحزب الاستقلال، أن الحكومة فشلت في تدبير أزمة جائحة كورونا.
وقال بركة، خلال استضافته، أمس الجمعة (18 شتنبر)، في برنامج “بدون لغة خشب”، على إذاعة “ميد راديو”، “وصلنا لهاد المستوى كيبان أن الحكومة مشلولة مع تدبير الجائحة، ومن بعد ما وقع فالحجر الصحي، اليوم كنأكد ليك أنه عندنا جائحة أخرى هي جائحة الخوف، المغاربة خايفين على حياتهم”.
وأضاف الأمين العام لحزب الميزان: “الملك خدا قرار شجاع اللي هو حماية حياة المواطنين، وتدارت مدة للحجر الصحي وهي ثمانين يوم، اللي أطول مدة فالعالم، وفهاد الفترة منسوب ثقة المواطنين في المؤسسات ارتفع، وتعطات فرصة للحكومة توجد لما بعد الججر الصحي، وإيلا كانوا الإمكانيات الطبية قليلة فهاد الحجر عطا الوقت للحكومة توجد لداك الشي”.
ولكن، يوضح بركة، “الحكومة فشلت في تدبير المرحلة، وزير الصحة خرج كيقول لينا الأمور خرجات عن السيطرة فكازا، فحال كيف وقع فالقنيطرة وفمراكش، المغرب تعطاتو فرصة يكون جاهز لمواجهة هاد الشي، ولكن وقع الغرور ويصحابنا نجحنا لدرجة جمعنا المرضى فجوج ديال المستشفيات، وفالواقع حنا حتى الموجة الأولى ديال الفيروس باقي كاع ما سالينا معاها”.
واعتبر المتحدث أن الحكومة تعاني مشكل حكامة، مشيرا إلى أنه كان ينبغي على الحكومة الاستعانة بخدمات القطاع الخاص لمساعدة المستشفيات على استيعاب أعداد المرضى.
وقال: “كاين مشكل ديال الحكامة، الوقت اللي عندنا قطاع خاص باش يساعد في المستشفيات، كان خاص يكون انفتاح على القطاع الخاص، والتيست بقينا محدودين في عشرين الف، والمختبرات الخاصة عاد حلينا لهم يديرو التيست”.
وتابع بركة: “الحكومة فاشلة في تدبير الجائحة، والأخطر من ذلك الثقة اللي كانت عند المغاربة في الحكومة والمؤسسات تفقدات، دابا المغاربة خايفين على حياتهم وعلى مناصب الشغل ديالهم، ومن الفقر، اليوم تزادو ستة دالمليون ديال الفقراء، واليوم عندنا إشكال خطير والحكومة كان مفروض تحمي المواطنين من الفقر البطالة والجشع ديال شركات وبعض رجال الأعمال”.
وخلص الأمين العام لحزب الاستقلال إلى أن “الحكومة ضيعت فرصا مهمة، واليوم باقي فرص خاص يتم تغيير المقاربة ديالها، حيث هاد المقاربة اللي غادية بيها غتوصلنا للحيط”.
