كشف بوبكر سبيك، الناطق الرسمي باسم المديرية العامة للأمن الوطني والمديرية العامة لمراقبة التراب الوطني، أن هناك “إقبال كبير من قبل الدول على التعاون الأمني مع المغرب”.
وكشف سبيك، خلال استضافته أمس الجمعة (24 دجنبر). في برنامج “بدون لغة خشب” على إذاعة “ميد راديو”، أن “الأمن كرأس مال لامادي هو ولينا كنعتمدو عليه في الترويج لملف المغرب لاحتضان مجموعة من التظاهرات الدولية”.
وقال المتحدث: “كلشي كيبغي يشتغل معانا وحنا كنبغيو نشتغلو مع كلشي، ولكن كاينة دول اللي سادة على راسها، مثلا الجارة الشرقية عياو يقولو علينا حنا بلد كنروجو المخدرات، حنا هاد العام حجزنا 170 طن من المخدرات، والعام اللي داز حجزنا أكثر من 217 طن، ولكن واش هاد الناس عمرهم حجزو شي كمية ديال المخدرات وصيفطو لينا المواصفات ديالها ولا معلومات على الناس اللي تشدو وقالو لينا بغينا نشتغلو معاكم في إطار التعاون الدولي وشوفو لينا الامتدادات ديال هاد الشبكة فالمغرب؟ نهائيا”.
وأضاف سبيك معلقا على حالة الجزائر: “ما يمكنش أنت ساد عليك وما كتقولش ليا، كيفاش أنعرف أنا شكون المتورط فهاد الشي؟، خاص يديرو كيف كنديرو حنا مع إسبانيا وفرنسا وأمريكا” بخصوص تبادل المعلومات الأمنية والاستخباراتية.
وأكد سبيك، هلال اللقاء الإذاعي، أن المغرب “لا يمكن اعتباره ملاذ أمن لأي فار من العدالة، سواء من الجرائم المنظمة أو جرائم الارهاب، والمغرب أوقف العديد من الأشخاص اللي كينتميو للمافيا المنظمة فإيطاليا وتلقى عليهم القبض هنا فالمغرب، وهاد الأمر خلى وزارء داخلية عدة دول أوروبية تنوه بعمل أجهزة الأمن المغربية”.
وقال المتحدث باسم الأمن والديستي: “حنا كنشتغلو بنظام دقيق على مستوى قاعدة البيانات وعلى مستوى التنسيق، وحاليا لاديستي وضباط الشرطة القضائية كيشتغلو بالتوازي فالقضايا الكبار وكيكون تنسيق بيناتهم”.
