قال الناخب الوطني الأسبق، حسن مومن، في تعليقه على قرار اعتزال حكيم زياش اللعب دوليا مع المنتخب المغربي، إن “القرار صعيب وعندو أبعاد كثيرة وهاد الأبعاد ما غنشوفوهاش على المدى القريب والآني ومدى تأثيره على المنتخب الوطني، ولكن هذا قرار اللي يمكن ليه يقيص واحد الأجيال كثيرة اللي كيترباو فالمهجر واللي ترباو فالمهجر واللي هما الآن بالفضل ديالهم الفريق الوطني كيلقى راسو أنه ما زال فعلا كينافس على أعلى مستوى”.
قرار بتداعيات مستقبلية
وأضاف حسن مومن في تصريح لموقع “كيفاش”، أن “حكيم زياش كيفما كيعرفوه جميع المغاربة اللي سمح فالجنسية الهولندية، والوقت اللي قرر نهائيا أنه يلعب للمنتخب المغربي وسمح فهولندا، جمهور أياكس كان غضبان عليه وكان كيصفر عليه وتمارسات عليه ضغوطات كثيرة وحتى من الناحية المادية خسر بزاف، ولكن تشبثه بالوطن وبالقميص الوطني المغربي خلاه ياخذ هاد القرار”.
وتابع “المشكل الآن هو أن زياش غادي يكون عبرة لمجموعة من اللاعبين من أبناء المهجر، لأنهم غادي يبقاو يشوفو هاد الموقف وشنو وقع لزياش وغادي يختارو اسبانيا ولا هولندا ولا فرنسا ولا غيرهم على حساب المنتخب المغربي، راه غادي يولي عبرة للآجيال الأخرى. وهنا فين كاين الضرر ماشي غير على المستوى القريب ولكن على المستوى المتوسط والبعيد”.
إقرأ أيضا: قرار فمحلو/ آش عطى للمنتخب/ لقجع خاصو يتدخل.. قرار زياش يقسم الجماهير المغربية (صور وفيديو)
وأكد الناخب الوطني السابق “كنظن أن لقجع ما غاديش تفوتو هاد القضية، وأكيد غادي يدير التدخلات ديالو باش يلقاو حل وسط لآن هادي مصلحة الفريق الوطني، ووحيد ممكن غدا ولا بعدو ولا عام واخا يطول را غادي يمشي ولكن كيبقى الوطن مع الآبناء ديالو اللي خاصهم يبقاو”.
زياش.. شخصية قوية
وبخصوص اللاعب الذي من الممكن أن يعوض زياش في المنتخب الوطني، قال حسن مومن “كون كان شي واحد يقدر يلعب بمستوى زياش حاليا كون شفناه فكأس إفريقيا، لآن المشكل دابا زياش ليس فقط لاعب موهوب ولا عندو تقنيات بحال اللاعبين الاخرين ولكن عندو شخصية قوية، شخصية اللي هي اللي يمكن دير فرق”.
وأضاف “فالوقت اللي كتكون روح المجموعة والعمل الجماعي ما كيعطيش نتائج فبعض المقابلات المصيرية، كيف ما وقع مع محمد صلاح فالكان… الفريق المصري فهو فريق كيدافع طيلة المباراة ولكن كيكون عندك لاعب ذو مقومات يعني على المستوى الذهني وعلى مستوى الشخصية ما كيتأثرش، وكيبقى ثابت فالأداء ديالو رغم الضغوطات، بحال زياش، وهاد النوعية ديال اللاعبين را قلال”.
وكان اللاعب المغربي حكيم زياش، نجم تشيلسي الإنجليزي، قد قرر يوم أمس الثلاثاء (8 فبراير)، إنهاء رحلته مع المنتخب الوطني المغربي “مضطرا”، بسبب خلافاته مع الناخب الوطني وحيد خليلوزيتش، والتي تسببت في استبعاده عن النخبة الوطنية في العديد من المناسبات آخرها كأس أمم إفريقيا المقامة مؤخرا في الكاميرون.
إقرأ أيضا: زياش: لن أعود إلى المنتخب الوطني… هذا قراري النهائي وأعتذر للمغاربة (فيديو)
