أكد مصطفى بايتاس، الوزير المنتدب لدى رئيس الحكومة المكلف بالعلاقات مع البرلمان، الناطق الرسمي بالحكومة، أن الحكومة تضع نصب أعينها التصدي لأزمة البطالة، مشيرا إلى أن إصلاح المدرسة العمومية هو ورش كبير، يتطلب تنزيله اعتماد مجموعة من الإجراءات “اللي الحكومة كتشتغل عليها”.
محاربة البطالة.. وعي حكومي
وقال بايتاس، اليوم الخميس (25 نونبر)، عقب المجلس الحكومي في الرباط، إن “الحكومة واعية بمعضلة البطالة في المجتمع وعيا دقيقا، وكان بإمكانها فقانون المالية الحالي ما تجيب حتى إجراءات من داك الشي اللي تعاقدت به مع المواطنين، ، ولكن واصلت الليل بالنهار باش تجيب مجموعة من الأوراش”.
وأضاف “جبنا أوراش مثلا 225 مليار سنتيم بفائدة، في ظرف سنتين، تقريبا 250 ألف فرصة عمل… وهاد الشي كيخص الناس ما عندهم لا ديبلوم ولا تكوين… وهاد الشي غنمشيو فيه بتدرج باش نوصلو لمليون فرصة عمل من هنا لـ2026”.
وأكد بايتاس أن “هاد المليون ما عندها علاقة لا بالتوظيف ولا بمناصب الشغل اللي كنتجو في الاستراتيجيات القطاعية… هاد المليون إضافية لمجموعة دالناس اللي ما عندهمش تكوين كيستافدو من فرص عمل وكياخذو تجربة وتكوين”.
إصلاح المدرسة.. إجراءات حكومية
وأوضح الناطق الرسمي باسم الحكومة، أن “هاد 17 ألف اللي معنيين بموضوع مباريات التعليم را مغاربة وعندهم ديبلومات وكيقلبو على خدمة… ووزارة التعليم انطلقت من واحد الوضعية اللي ول البارح منتدى دافوس كلاصانا ف138 فالتعليم وهذا رقم مخيف”.
وتابع: “اليوم الجميع يتحدث عن إصلاح المدرسة وكيقولو واش غير السن اللي غادي يصلحها… لا ماشي غير السن اللي غيصلحها ولكن غيصلحوها مجموعة من الإجراءات اللي الحكومة كتشتغل عليها، وعندها رؤية ملي تمشي للنموذج التنموي الجديد وتبغي تاخذ أستاذ وتستثمر فيه على مستوى التكوين تحسن ليه وضعيتو فإطار ما تم الحديث عنه في الفترة السابقة”، مبرزا أنه “هاد الشي علاش جا هاد المقتضى باش ناخذو واحد المجموعة من الأساتذة باش حتى يلا استثمرنا فيهم على مستوى التكوين غادي تكون فائدة بالنسبة لبلادنا والمدرسة”.
