محمد المبارك
بعض الناس كيستغلو الطيبوبة ديال الآخرين باش ينصبو عليهم، ولكن ديما مول النية كيربح. كيفاش؟
في مستشفى ابن طفيل في مراكش، سيدة مريضة معروف عليها الضحك والطيبة، ورغم المرض ديالها كانت تواسي المرضى اللي معها، ونهار الأحد اللي فات (15 يوليوز)، دخل عليها واحد الرجل وطلب منها تلفون ديالها باش يتصل، تلفون عادي والثمن ديالو ما فايتش 500 درهم، جابو ليها خوها االي ساكن فورزازت باش تهضر معهم وتلقى فين دوز الوقت في مشاهدة شنو واقع في الدنيا.
السيد اللي خذا من عندها التلفون خرج ودار راسو بحال يلا يهضر فيه وخذاه وبقات تسناه وما رجعش .
في اليوم الموالي، أحد النشطاء في الفايس بوك جا يشوف بنت من العائلة ديالو في نفس الغرفة، وحكات ليه شنو وقع وقاليها أنا غادي نكتب هاد الشي في الفايس بوك باش يبقى عبرة.
وفي ظرف أقل من 24 ساعة، محسنين من الفايس بوك رسلوا ليه هاتف نقال ما زال جديد وحسن من اللي كان عندها، وبمبلغ 1600 درهم وكذلك باقة ورد، كما تعهد آخرون بمتابعة حالتها وشراء أي حاجة خاصاها