• واش اللقاح كيبطل الصيام؟.. فقهاء يجيبون (فيديو)
  • العثماني للمغاربة: أنا حاس بكم… قرار حظر التنقل الليلي صعيب ولكن راه ماعندناش البديل
  • للاستفادة منها في مجال الرعاية الصحية للعيون.. شركة “سامسونج” تعزز تصميم هواتف “جالاكسي” الذكية
  • الحسيمة.. الإفراج عن الحنودي ومتابعته في حالة سراح
  • رغيب: كاينين اللي كيمارسو الابتزاز فواتساپ ولا ما عطيتيهمش الفلوس كيقرصنوه ليك!
عاجل
الإثنين 29 مارس 2021 على الساعة 16:00

رضوان بنعبد السلام: القزابري يمثل المغرب دوليا واحترامه واجب… وبرنامج الرمضاني يعطي الفرصة للجميع ومستعد للحضوره معه من جديد

رضوان بنعبد السلام: القزابري يمثل المغرب دوليا واحترامه واجب… وبرنامج الرمضاني يعطي الفرصة للجميع ومستعد للحضوره معه من جديد

أشاد الشيخ رضوان بن عبد السلام بمرور الشيخ عمر القزابري على إذاعة “ميد راديو” في برنامج “بدون لغة خشب”، مبديا استغرابه من الحملة التي شنها بعض مدعي الانتساب إلى التيار الديني في حق القزابري، بسبب هذا الظهور الإعلامي.

شاهد:التطرف والتكفير/ روتيني اليومي/ الجزائر/ الرقية الشرعية.. الشيخ عمر القزابري يتحدث “بدون لغة خشب” (فيديو)

وقال الشيخ التطواني، في اتصال موقع “كيفاش”، إن “الشيخ القزابري له الحق في الظهور في أي برنامج كان، وهذا الأمر لا يخالف الشرع ولا القانون، وما دام يعبر عن رأيه وقناعاته فلا يوجد مبرر للحملة التي شنها البعض”.

وأضاف موضحا: “القزابري يمثل المغرب دوليا واحترامه واجب… وهاد الناس اللي بدات كتعايرو وكتقلل عليه العفة خاصهم يحشمو على عرضهم، لأن هادي ماشي أخلاق الدين ديالنا اللي يدعو إلى اللين والكلمة الطيبة”.

وفي حديثه عن الإعلامي رضوان الرمضاني الذي استضافه سابقا في برنامج “في قفص الاتهام” وحقق عدد مشاهدات قياسية، قال الشيخ بنعبد السلام: “الرمضاني كيعطي الفرصة للجميع، سياسيين ورياضيين وفنانة وشيوخ ومؤثرين، وأنا كنت ضيف عندو، وأشهد أنه ما اتفق معايا لا على أسئلة ولا قالي شنو نقول ولا دار شي مونطاج، جينا دوزنا الحلقة ومشينا، وفاش غادي يعيط ليا للبرنامج الجديد اللي دار غادي نجي بكل فرح، لأنني كنجلس فداك الكرسي وكنقول قناعاتي بكل أريحية وما كاين اللي كيفرض عليا تما شي حاجة”.

 

وتعليقا على الهجوم الذي طاله، صباح اليوم الاثنين (30 مارس)، بسبب تدوينة على الفايس بوك، دافع فيها عن الشيخ عمر القزابري، أوضح الشيخ رضوان: “أنا دافعت عن الشيخ حيث ما عجبنيش يهجمو عليه، وبالنسبة لهادو اللي كيهاجموه أو هاجموني، راه كيعبرو على مستواهم، وخوذها قاعدة، من يدعي أنه من التيار الديني وكيسب الناس ويستخدم الخطاب العنيف، عرف أنه كيخرج داك الشي اللي عندو الداخل، بسبب الفشل ديالو فكل الشي، في الدعوة وفي العمل وفي المجتمع، لذلك كيقلب على الفرصة فين يعاير الناس اللي فارضة اسمها فالساحة من خلال الدعوة، والحمد لله راهم قلة، والمغرب عامر شيوخ والعلماء وفقهاء وقراء، عندهم خطاب لين ومحترم”.

وتابع: “اللي كيقولو على الشيوخ المعتدلين عياشة ولا باعو الماتش ولا هاد الكلام المسيء، ما كتلقاش أصلا عندهم وجود ولا اسم، وكيبغيو يبانو بهاد الطريقة لعل وعسى يديها فيهم شي واحد، ولكن ما عمر الساحة ترجع ديالهم، لأن التدين عندنا في المغرب معتدل ويرفض العنف بجميع أنواعه”.