• الحلوف كينفع.. زراعة كلية خنزير في جسم إنسان “تنعش” آمال ملايين (فيديو)
  • الاعتداء على “ممرضة” داخل مستشفى في الداخلة.. وزارة الصحة تقرر مقاضاة المعتدى
  • قالت إنه مخالف للدستور.. “نقابة المحامين” تدعو إلى التراجع عن فرض جواز التلقيح
  • بعدما ولات معزولة ومنبوذة قاريا.. دعوات لطرد “جمهورية الوهم” من الاتحاد الإفريقي
  • مشاو بعييد.. الرئيس التونسي يمنع صرف رواتب غير الملقحين
عاجل
السبت 26 ديسمبر 2020 على الساعة 20:10

خبير مغربي في كوريا: اللقاح ضروري وما كاين لا شريحة تجسس ولا والو… والمغرب عندو الزهر (فيديو)

خبير مغربي في كوريا: اللقاح ضروري وما كاين لا شريحة تجسس ولا والو… والمغرب عندو الزهر (فيديو)

أكد سمير مشور، نائب الرئيس العام لمجموعة “سامسونغ بيولوجيكس” الكورية الجنوبية، أن الإجراءات التي اتخذها المغرب لمكافحة انتشار فيروس كورونا جعلته محظوظا نوعا ما في حربه على الفيروس.

وقال الدكتور مشور،  خلال استضافته في برنامج “بدون لغة خشب”، أمس الجمعة (25 دجنبر)، على إذاعة “ميد راديو”، “المغرب كان عندو الزهر، والخدمة ديال الحكومة والتوجيهات ديال سيدنا، هي اللي خلات المغرب فالوضع اللي هو فيه اليوم، البلاد كتوجد لحملة التلقيح بإمكانيات وبنية طبية”.

وعن دوره في حصول المغرب على اللقاح، قال مشور، “أنا نهضر على اللقاح الصيني… الدول ما كيتفاوضوش مع المقاولات ديريكت، وخاصة الدول اللي ما عندهاش إمكانيات، كان ضروري يدوزو على منظمة الصحة… فالمغرب ما يمكناش نبقى كنتفرج، ما قدرتش نربع ونتسنى، خاصني نعاون بلادي بشي طريقة، تواصلت ديريكت مع اللي كيصنعو اللقاح، اللي كيعرفوني، وسولت فين وصلو فتطوير اللقاح والصناعة ديالو، باش نقترح المغرب وضغطت عليهم، وهاكا بدينا…. المغرب حاليا بالنسبة لأسترازينكا أولوية عالمية، وقالوها ليا غير اليوم، يعني غير يخرجو اللقاح غيصفطيوه للمغرب”.

وأثناء حديثه عن اللقاحات المتوفرة، أوضح الدكتور في مجال البحث البيولوجي أن هناك العديد من اللقاحات التي تختلف فيما بينها في التكنولوجيا المستخدمة، “وهذا غيخلي الفعالية ديال اللقاحات ما غتكونش بحال بحال”.

وتابع المتحدث: “هاد اللقاحات كاملين اللي فالسوق هوما آمنين، وعندهم أعراض جانبية بسيطة”، قبل أن يستدرك: “ما غيديرو لينا لا شريحة لا والو، وماشي أول مرة غنديرو اللقاح، اللقاح ضروري، هو ماشي الحل الوحيد ولكن ضروري، وغيكونو الأدوية مستقبلا، في أفق مارس المقبل”.

وعبر نائب الرئيس العام لمجموعة “سامسونغ بيولوجيكس” الكورية الجنوبية عن استعداده لتلقي لقاح كورونا، قائلا: “أنا غندير اللقاح فكوريا ولا المغرب ولا فرنسا، ما كاينش لا شريحة ولا والو، وما كاينش حتى شي واحد اللي غيلقح للناس باش يتبعهم، هاداك لقاح موثوق ما نخافوش منو”.