رد وزير العدل عبد اللطيف وهبي على الهجوم الذي تعرض له بعد تصريحاته حول التخلي عن شرط الإدلاء بعقد الزواج للإقامة في الفنادق.
وخلال استضافته أمس الثلاثاء (18 يونيو) على القناة الأولى، قال وهبي في إشارة ضمنية إلى حزب العدالة والتنمية: “هوما أوصياء على المغاربة بينهم وبين الذي خلقهم… وراه قالها واحد بولحية ديالهم قال بأن هاد الناس ما بغاوش وسيط بينهم وبين الله وكيضحك”.
وأضاف وزير العدل: “مسألة الأخلاق بيني وبين اللي خلقني أنا لا أريد وسيطا بيني وبين الله… أنا علاقتي مع الله بغيتها تكون مباشرة ما بغيتش شي واحد يكون وسيط بيني وبينو”.
وشدد المسؤول الحكومي، قائلا: “اللي دار شي جريمة ولا زنا بينو وبين الله ويلا ضبطتو نطبق عليه القانون أما نفترض أنها جريمة ونفترض أنه غير نحل الفندق المغاربة كلهم غيمشيو يديرو ولايني منطق هذا”.
وأكد وزير العدل، على أن “المواطن السليم واللي علاقتو شرعية هو اللي كيهمني نحميه باش يدخل للفندق بدون مشكل أما هادوك اللي كيديرو العلاقات ما كنديهاش فيهم حيت غيحصلو يحصلو”.
وتابع المتحدث ذاته: “يلا كان هاكا خاصنا نعتاقلو المغرب كامل لأن واحد خارج في الصباح نشدوه نقولو ليه يمكن باغي ترتكب جريمة قتل”، متسائلا: “واش المواطن خاصو يبقا هاز معه هاديك الورقة فينما مشى يديها معه داير ليها البلاستيك يدخلها معه حتى للحمام”.
