سارة بوحافة (صحافية متدربة)
مهدي بنكيران، اللي كيقول على راسو”مرافق النجوم”، وكيظهر مع مجموعة من الفنانين والشخصيات العامة المغربية في السهرات والمهرجانات والمناسبات العامة، اليوم أصبح عرضة للانتقادات من طرف الفنانين، خصوصا من بعد اكتشاف الأكاذيب ديالو.
مهدي كيستغل أي حاجة باش يبان ويحقق شهرة، فبعد ما لعب بصور العائلة الملكية باش يبين أنه قريب من محيط الملك، اكتشف أنه عندو موهبة الغناء وولى كيرافق الفنانين.
مهدي بنكيران ما خلى حتى فنان في خاطرو، فمن بعد كلامو على دنيا باطمة، اللي كان كيقول بأنه كيرافقها حيت نجمة، وشوية خرج بتصريح كيقول بأنها ماشي نجمة وهي غير معروفة فالأنستغرام، انتقل لشقيقتها ابتسام، اللي اتهمها بسرقة المال من حقيبة دنيا، وأنه كان غادي يتزوج بها.
سالا من عائلة بطمة داز لعائلة المجرد، ونشر خبر على سعد ملي تعتقل في فرنسا، وقال باللي سعد أصيب بانهيار عصبي. ومن بعد ما المنشط الإذاعي رشيد الإدريسي، صديق لمجرد، كذب الخبر، ولى بنكيران “كيبرد السوق”.
اليوم بنكيران زوج جميلة البدوي بعبد الفتاح الجريني، وخرجت جميلة في تصريح صحافي قالت باللي هي ما كتعرفوش وما عمرها سمعات بيه.
