عرفت أسعار الدواجن في اليومين الأخيرين انخفاضا طفيفا في بعض المناطق، بعدما ارتفعت بشكل غير مسبوق أثار حفيظة المستهلك.
وأوضح شوقي الجراري، مدير الفيدرالية البيمهنية لقطاع الدواجن، أن انخفاض سعر الدجاج، خلال الأيام الجارية، يرجع بالأساس إلى تراجع الاستهلاك من طرف المواطنين نظرا لغلاء المنتوج.
وقال الجراري في اتصال هاتفي مع موقع “كيفاش” إن “العرض والطلب هما السبب فالزيادة ولا حتى النقصان، ملي كيكون الطلب كثير سعر المنتوج كيطلع، وملي كيكون الطلب قليل والعرض كثير السعر ديالو كيهبط”.
وأضاف “يمكن الناس القدرة الشرائية ديالهم ما بقاتش كافية باش يشريو الدجاج، داك الشي علاش الطلب نقص وتنقص معاه حتى الثمن، ورا بزاف دالحوايج نقصو ماشي غير الدجاج”، مشيرا إلى أن “الناس مساكن را ولاو كيديرو اختيار بين المواد اللي كيستهلكو على حسب الثمن ديالها”.
وبخصوص أسعار الدواجن اليوم، قال الجراري إن “الدار البيضاء اليوم الثمن داير 13.50 فالضيعات ولكن بالتقسيط كل واحد وبشحال كيبيع، حيت ما كاينش ثمن محدد، السعر حر اللي بغى يبيع بشي ثمن كيبيع على حسب كل واحد وبشحال شاري بالجملة”.
وأشار مدير الفيدرالية البيمهنية لقطاع الدواجن إلى أن “المواد الفلاحية كلهم من الدجاج واللحم والخضرة والفواكه إلخ كلهم أسعارهم حرة، حيت المغرب مشى فهاد الاتجاه ديال حرية الأسعار”.
