أنا ملي شفت هاد الصورة تكرشخت بالضحك، وحسيت باللي توحشت بيكي وشيشي.
دابا غاااا بيناتنا، حنا كنا نقولو باللي شباط باغي الخدمة فبنكيران، داك الشي علاش نوض عليه النحل، إيوا ها هوما تصالحو، وولى بيناتهم الحب والغرام، ارتاحيتو؟ منين تجينا الفراجة؟ ياك حتى البرلمان عندو عطلة فهاد الوقت.
كون تجيو علي أنا نديرو شي عريضة تحت شعار: “جميعا من أجل استمرار مغامرات بيكي وشيشي”. راه والله يلا كيحايدو القنط على الواحد. تصورو المغرب، لا قدر الله، ما فيه لا شباط لا بنكيران؟
تشاو تشاو.
