عمت حالة من الفوضى والاحتجاجات، أمس الاثنين (22 يونيو)، داخل الحي الجامعي المسيرة في مدينة القنيطرة، حيت تم تجميع المخالطين لعاملات “بؤرة لالة ميمونة”، قصد إخضاعهم لتحاليل الكشف عن فيروس كورونا.
فين نتائج التحاليل؟
وعلم موقع “كيفاش” من أحد المخالطين الموجودين في الحي الجامعي أن سبب هذا الاحتجاج هو “التسيير العشوائي داخل الحي”، وتأخر إطلاعهم على نتائج التحاليل التي خضعوا لها منذ أزيد من 72 ساعة.
وقال مصدر الموقع: “حنا من الناس اللي كانو جابونا نهار السبت من سوق الأربعاء، للحي الجامعي فالقنيطرة، عيط لينا الباشا قالينا أجيو للباشوية تديرو التيست وترجعو تديرو الحجر فديوركم، درنا التيست وجابونا للحي الجامعي”.
400 مخالط
وأضاف: “دخلنا للحي الجامعي مع الجوج دالعشية، جينا لقينا مخالطين آخرين جاين من الشوافع ومن لالة ميمونة كلشي مجموع هنا، حنا حوالي 400 واحد تقريبا، لقينا داك الشي عشوائي، البيت المفروض يكونو فيه جوج كاين البيت اللي فيه خمسة، وشي كيدخل على شي، حياتنا مهددة هنا”.
وعن نتائج التحاليل التي خضعوا لها، قال المتحدث: “72 ساعة دابا باقي ما عرفناش النتائج، وما قالو لينا والو”، مسترسلا: “ما كاين لا تعقيم لا كمامات، اللي جا بشي كمامة راه كيغسلها ويعاود يديرها، والمعقم ما كاينش عطاونا التيد والصابون، الكمامات جابوهم لينا البارح بالصباح، والماكلة ما كايناش فالوقت كيعطلوها والناس كيخرجو يحتجو”.
وأشار المتحدث إلى أن من بين الموجودين في الحي أطفال ومسنين، موضحا: “كاين وليدات صغار ما جابو ليهم ليكوش والحليب حتى للبارح، وناس كبار فيهم أمراض مزمنة، واحد فيهم فيه السرطان وما جابش الدواء ديالو حاولت بنت مع المسؤولين يمشيو يجيبو ليه الدواء ولكن والو”.
لائحة مطالب
وكشف مصدر الموقع أن “مبعوثا” من العمالة حل بالحي الجامعي بعد زوال اليوم الثلاثاء (23 يونيو)، قائلا: “جا عندنا شي حد من العمالة وقالينا عطيونا لائحة المطالب ديالكم”.
ومن بين المطالب التي تم تقديمها “للمبعوث”، والتي اطلع عليها موقع “كيفاش”، توفير الكمامات والمعقيمات، وتعقيم مرافق الإقامة بشكل يومي، إخبار المقيمين بالنتائج فور خروجها.
وحاول موقع “كيفاش” التواصل مع وزارة الصحة بشأن الموضوع، لكن ظلت أسئلتنا بلا أجوبة.
