محمد المبارك
في 2017 وقعات بزاف ديال الأحداث اللي شغلات الرأي العام المغربي. وطبعا التعامل ديال الفايسبوكيين معها كيكون متميز.
الوداد العالمي..
فوز الوداد باللقب الإفريقي كان من أبرز الأحداث سنة 2017 بعد غياب دام 25 سنة، وكان تأشيرة اللي خلاتو يلعب كأس العالم للأندية، ويولي حتى هو الوداد العالمي.
روسيا 2018..
تأهل المنتخب المغربي إلى كأس العالم بروسيا 2018، بعد 20 سنة من الغياب، قد يكون أكثر حدث أسعد مغاربة الفايس… وخاصة الروسيات!
القمر الصناعي..
إطلاق أول قمر صناعي مغربي، واخا أغلب المغاربة ما عرفوش علاش تشرا وبداو كيهضرو على الفقر وحاجة المغرب ليه، ولكن أثار تفاعلا في الوسط الفايسبوكي المغربي.
ممرات الراجلين..
25 درهم للي ما قطعش من ممر الراجلين كان أبرز حدث فيما يخص الغرامات. وتنوعت الردود الساخرة والطرولات لأكثر من أسبوعين.
الدق والسكات..
الزيادة في الأسعار وغلاء المعيشة شغلوا الفايسبوكيين، حيث قاموا بحملات افتراضية، ولكن سياسة “الدق والسكات” لم تتوقف، بل زادو اقتراحات باش يتحيد التعليم المجاني.
الحقاوي والفقر..
الوزيرة بسيمة الحقاوي كانت من أبرز الوزيرات في الساحة الفايسبوكية من بعد ما قالت في البرلمان: “ما كاينش الفقر في المغرب”. حسب دراسة دارتها.
وزير جزائري.. خبزة تونسية!
قليل فاش تلقى وزير جزائري يشغل الفايسبوكيين فالمغرب، ولكن فاش كيكون الاسم ديالو هو نفس اسم “الخبز” بالتونسية ضروري ما يهضرو عليه.
الوزير الجزائري والحشيش..
وزير جزائري آخر خرج بتصريح باللي المغرب عايش غير بالحشيش اللي كتديه لارام في الطائرات ديالها، وقال بتللي رؤساء أفارقة اللي قالوا ليه هاد الهضرة. تحرك الماء الراكد والهجمات من مغاربة الفايس بوك وحتى جزائريين، والعصير الأكبر كان من شركة لارام الي ردات عليه بلوحة إشهارية وتما ما عاودش هضر.
