فاجأ اللاعب المغربي، محسن ناشط، متتبعيه عبر صفحته الرسمية على موقع التواصل الاجتماعي إنستغرام، بعد نشره تدوينة يعلن من خلالها مشاركته في الجزء الخامس من المسلسل الإسباني العالمي “la casa de papel”.
وسيخوض ناشط أول تجربة له في التمثيل، حيث قال في
اتصال مع موقع “كيفاش” إنها مغامرة جديدة في مسيرته، مضيفا أنه كان دائما يطمح في خوض تجارب جديدة من بينها التمثيل.
وعن فكرة خوضه هذه التجربة، قال اللاعب الوداد السابق أنه “فالحجر الصحي كنت كنتفرج فالجزء الرابع من مسلسل “لاكاسا دو بابيل” حتى طلع ليا واحد السيت ديالهم صيفطت فيه غير على الله ما كنتش كنتوقع أني غنتعزل”.
وأضاف “هاد العام جاوبوني فالإيميل وانا ما شفتش الايميلات ديالهم حتى دازت شي 20 يوم هاد وصلني ميصاج فإنستغرام من عند مخرج المسلسل ألفا رومورتي قال ليا را توصلنا بالبروفيل ديالك وشاركناه مع طاقم العمل وتمت الموافقة عليه وطلب مني نصيفط ليه الصور ديالي”.
وتابع “صافي عطيتو المعلومات اللي طلب مني كاملين وقال ليا اوكي غادي تكون معانا فشي حلقات من هاد الجزء ودابا كيقادو ليا الوريقات ديالي”.
وأكد على أنه سيشرع في تصوير مشاهد الجزء الخامس ابتداء من الشهر القادم في بعض المدن المغربية، مضيفا أنه بنسبة 80 في المائة سيتم تصوير مشاهد المسلسل بين مدينة الدار البيضاء وورزازات.
