من بعد الرقية والعلاجات الروحانية، تزادت حاجة جديدة عندنا في المغرب سميتها العلاج بالنور الإلهي. كيفاش؟
أصحاب هذا الأسلوب الجديد في “العلاج”، اللي غادي تنظم فيه دورة تكوينية الشهر المقبل في الدار البيضاء، قفزوا على كل الأبحاث العلمية والإنجازات الكبرى اللي حققها الأطباء في جميع بقاع العالم، وكيدّعيو أنهم جاو بتصور جديد للعلاج النفسي والعضوي وحتى الروحي. المهم أن الوصفة السحرية عند هاد الناس ترتبط بالإيمان والأنوار الإلهية وغير ذلك، وما خاصهم لا سكانير ولا راديو ولا تحاليل.
الغريب أن الناس ولاو كيشوفو حتى ما تعجز عين الإنسان عن رؤيته، حيث قال ليك هاد الأنوار عندها ألوان، وتتميز بذكرها الخاص، وهوما قدروا يحسوا بيها وبذبذباتها كاع.