كشف أيوب توديت، فاعل جمعوي في مولاي إبراهيم، وضعية مأساوية لضحايا الزلزال الذي عرفته المنطقة، الجمعة (8 شتنبر).
وفي برنامج خاص مع الإعلامي رضوان الرمضاني، على إذاعة “ميد راديو”، قال توديت: “عندنا 23 وفاة في مولاي ابراهيم وأزيد من 50 إصابة، الشباب تعاونو ليلة الزلزال ما نعسوش وخرجو الناس من تحت الأنقاض
ونبه الفاعل الجمعوي، إلى أن “أكثر من 7000 مواطن ما عندو فين يبات حتى قيطون ما عندناش… في جماعة مولاي ابراهيم يالاه عندنا واحد تقطع 7000 نسمة كي غنديرو ليها في قيطون واحد”.
وتابع: “طلبنا من الناس ما يرجعوش للديور يعني خاصهم يباتو فبلايص آمنة على الأقل يتغطاو على البرد اللي كيكون الليل”.
وشدد الفاعل الجمعوي، على أن “الناس بقاو بالجوع وفالشمس، جاو الدراري برانيين جابو معهم دانون وبيسكوي كيفرقو على الناس”.
وأضاف: “التضامن اللي فينا فالمغرب ما كاينش فبلاد أخرى ولكن بغينا تدخل عاجل كاين اللي ما كلاش من البارح”.
وأطلق الفاعل الجمعوي نداءا إلى السلطات العمومية والمواطنين، قائلا: “الحاجة اللي كنطلبو من اللي بغا يعاون المراد الغذائية وقياطن فين يباتو الناس، خاصنا الناس فين يباتو وشنو ياكلو… السلطات المحلية في عين المكان دايرين الواجب ديالهم وكيوجهو الناس ولكت داك الشي اللي خاصنا راه ما كاينش”.
