اعتبر رشيد حموني، رئيس فريق التقدم والاشتراكية في مجلس النواب، أن معايير منح الدعم المباشر “مجحفة” ويجب أن “يعاد فيها النظر”.
وقال حموني، خلال استضافته في برنامج “مع الرمضاني”، ليلة اليوم الأربعاء (8 ماي)، على القناة الثانية “دوزيم”،
“هو برنامج غيساعد المساكن اللي ما عندهمش، تسجلو الناس ودارو دوك المعايير، المعايير فيها واش عندك بورطال؟، راه كلشي عندو برطابل دابا، وهاد المعايير مجحفة وخاص إعادة النظر فيها”.
وأضاف رئيس الفريق: “كاين اللي تعطاه الدعم ومن بعد توقف، هاد الارتباك كيخلي المواطن يفقد الثقة، حنا قلنا للحكومة غير خرجو فسرو للناس، حنا كنتلقاو شكايات، وكاينين ناس كيستحقو وما خداوش… واستدعينا فوزي لقجع للبرلمان باش يشرح لينا المبررات”.
واعتبر حموني أن الحكومة أخفقت في محال التشغيل وفي تدبير ملفات اجتماعية بحال فالتعليم مثلا، إيلا كانت غتزيدهم علاش ما زادتهم من الأول علاش تسنات حتى ضاعت ربع شهور، وكاين ملف طلبة الطب هاد الطلبة 5 شهور ما قراوش”.
وأشاد حموني بمجهودات بعض الوزارء، على رأسهم فوزي لقجع وخالد آيت الطالب، موردا: “كاينين وزارء دايرين مجهود وكاينين وزارء خاصهم يمشيو، ماشي حيت ماشي كفاءة ولكن غيعطيو أكثر فدواوين ولا فمواقع أخرى، راه فاش كتلقى وزير ما عارفش يقرا اشنو مكتوب ليه فورقة راه ما بقى كيتقال”.
وذكر البرلماني حموني بعض ما اعتبره إيجابيات الحصيلة المرحلية للحكومة من بينها “رفع الاستثمار العمومي، وتدبير أزمة الجفاف والحكومة التي رصدت لهذا الغرض، والحكومة دارت مجهود في اخراج مراسيم الحماية الاجتماعية، دارت مجهود في دعم بعض المواد، الزيادة في الاجور، وغيرها”.
وأشار المتحدث إلى أن هذه الإيجابيات رافقتها إخفاقات في مجالات مثل التشغيل، “الحكومة التزمت بمليون منصب شغل، هاد الالتزام لم ينفذ، والتبريرات ديال الجفاف والاقتصاد غير المهيكل راه هاد الشي ماشي عاد بان الحكومة عارفة هاد الشي”.
