بما أن الحكومة ما كتدير والو…. وبما أن هناك توجها لتدعيمها بالنساء… المرجو من السيد بنكيران مراعاة “مقاربة الشكل”… وزيرة جميلة أرجوووووووووووووووووووووووووووووووووك…
يلا الناس ديال الأحرار بغاو يكونو واعرين يديرو تابعمرانت وزيرة…
تبعوني فهاد الفكرة وما تخافوش… ما عندكم ما تخسرو….
لاختيار أعضاء الحكومة الجديدة، ومساعدة بنكيران على فك الوحلة نديرو شي بريكول بحال أراب أيدول ولا ذو فويس… ولا ستار أكاديمي….
آش ظهر ليكم؟ شكون نديرو فلجنة التحكيم؟
الدولة خاصها تفكر، بكل جدية، في تنظيم موسم حج إجباري سنوي لكافة السياسيين… وفي هذا الأمر فائدتان على الأقل… أولهمها ليعودوا كما ولدتهم أمهاتهم (زعما بلا ذنوب ماشي بلا حوايج)… وثانيا نتهناو منهم شي شوية….
يخ منو عيني فيه: هذا ما ينطبق على صقور البيجيدي اللي باغيين الحمامة وما بغاوش مزوار فالمالية… إيوا يلا كان مزوار فاسد ترجلو وما تتحالفوش مع الحزب ديالو…. الركيع…
كاين اللي كيتعلم الحسانة فريوس اليتامى… وكاين اللي كيتعلم التحليل السياسي فلحية البيجيدي….
تعليق على الإعلان (الدستوري): يلا ما دارش هاد الإعلان غادي ينوض ليه المجلس الأعلى للحسابات يتهمة تبديد المال (الحمار) العمومي ويلقى راسو فالحبس….
تشاو تشاو…
