الشباب المغاربة كل مرة كيجيبو شي فكرة جديدة، باش يضبرو على رزقهم. شاب فالقنطيرة صبغ راسو ولبس حوايج غريبة وبدا كيضبر على راسو. كيفاش؟
هاد الشاب صبغ راسو بلون الحديد ولبس حوايج في نفس اللون ورجع كيبان بحال شي تمثال والناس كيتصور معاه وكيخلصوه، وكيدير بعض الحركات قدام الدراري الصغار وكيجمع داك الشي اللي عطاوه.
وحسب مصادر موقع “كيفاش”، فهاد “الرجل الحديدي” كيكون فمدن قريبة من القنيطرة، وكيدير نفس الشي، وفالبداية الناس تعجبو وقالوا باللي حمق أو كيدير السعاية، ولكن من بعد عرفوا أن هاد الشاب كيحاول بهاد الطريقة يقدم فكرة مستوحاة من عروض الشارع اللي موجودة فأوروبا.