ردا على الفيديو الذي تم نشره، أخيرا، ويظهر فيه الفنان عبد العزيز الستاتي داخل منزل وهو يعزف الكمان بحضور فتيات يرقصن بشكل مثير، قال “ملك الكمنجة” إن الفيديو “عادي ولا يستحق كل هذه الضجة”.
وأضاف الفنان الشعبي عبد العزيز الستاتي، في اتصال هاتفي مع موقع “كيفاش”: “هاداك حفل عائلي، عرضوا ليا باش نغني معهم شوية، وواحد السيد عايش في إيطاليا ما عارفش آش كاين وصور الفيديو ولاحو”.
وتابع: “الفيديو عادي، حيث أنا فنان وهذا الضومين ديالي أنا خدمتي نغني وننشط الناس، وما غاديش نمنع شي واحد يصور ولا يشطح”.
ومن جهة أخرى، رد الستاتي على من وصفوا الفيديو بـ”الفضيحة”، قائلا بسخرية: “أنا عندي 40 سنة فالضومين، ويلا بغيت ندير البوز ما غاديش يخرج كتسريب، غادي نحطو راسي ونقول ليهم هانا”.
وختم صاحب “بغيت الفيزا والباسبور” حديثه بالقول: “هاد الناس عيقوا، دابا الواحد ما يقدر لا يخرج لا يشطح والمتضرر من هاد الشي هما العيالات المتزوجات، والله حتى عيب، الناس اخترعوا التلفونات يقضيو أغراضهم وهادو حاضيين فضيحة فلان وفلانة”.
