“عمرو ما حبا ملي حبا طاح فالبير”، مثل كينطبق على فاطنة الكحيل، كاتبة دولة لدى وزير إعداد التراب الوطني والتعمير والإسكان وسياسة المدينة مكلفة بالإسكان، اللي من نهار تعينات ما سمعنا عليها شي حاجة، حتى بانت في مهرجان خطابي، في العرائش. كيفاش؟
فاطنة الكحيل شاركت في مهرجان خطابي لدعم مرشح حزب الحركة الشعبية في العرائش، محمد السيمو، وخاطبت الحاضرين قائلة: “عرفتونا علاش جينا؟ جينا وتمشينا على رجلينا… باش ندعمو الحاج السيمو”.
واسترسلت الوزيرة، بلغة أثارت استياء وسخرية مجموعة من رواد على موقع التواصل الاجتماعي فايس بوك: “الحاج السيمو كتافو سخان في الرباط وعندو الركايز ديالو… كنا في إفريقيا وقال لي سيدي أخنوش بأن الحاج السيمو كان ناجح وغادي نعاودو نجحوه”، في إشارة إلى دعم حزب التجمع الوطني للأحرار لمرشح حزبها.
وأضافت الكحيل، بكلمات “غارقة في الشعبوية”، “أنا مجربة البرلمان والجماعة وكون كان عندنا الحق… عرباوة كاملة تهود تصوت على السيمو.. لأنه رجل ذكي ومعقول كيخاف الله ودرويش مومن وقريب للبادية، الحاج فاش كيجي للرباط كيشوف بزاف د الوزراء، وغنكملو معه باش تكون الشوارع فيها الإنارة والطروطوارات.. النجاح مضمون بالله وبكم”.
وقال ناشط على موقع الفايس بوك معلقا على حديث الوزيرة: “بالله عليكم هل يمكن لمسؤولة حكومية أن تتلفض بهذه الساخافات.. يا أمة ضحكت من جهلها الأمم”، بينما تساءل آخر: “لا واش هادي وزيرة بصح؟”.
https://m.facebook.com/story.php?story_fbid=1993680077619617&id=100009329310832
