أفاد أحمد البواري، وزير الفلاحة والصيد البحري والتنمية القروية والمياه والغابات، إن الوزارة تشتغل بعزيمة وإرادة لتحقيق السيادة الغذائية للمغرب.
وقال البواري، خلال استضافته في برنامج “بدون لغة خشب”، اليوم الجمعة (18 أبريل)، على إذاعة “ميد راديو”، “حنا عندنا الكبدة على المستهلك وكاين تتبع، وحنا فوزارة الفلاحة كنحاولو ما أمكن باتصال يومي مع المنتجين والفلاحين ديالنا والكسابة ديالنا باش يكون العرض والوفرة فالمنتوج… وكيبان إرادة وعزيمة باش نقدرو نحققوا السيادة الغذائية ديال بلادنا في القريب العاجل”.
وعن ما إذا كان يزور الأسواق ولديه فكرة عن الأسعار، قال وزير الفلاحة: “ديما كنمشي للسوق فالرباط، والأكثرية كيعجبني نخرج فالأسواق الأسبوعية، بالكاسكيطة ديالي ونهز القفة ديالي، وكندور ونتقدا، وبعض المرات كنلقى الجودة ديال الخضر في الأسواق الأسبوعية جودة عالية وبثمن مناسب، تلقى البيض البلدي والفروج البلدي…”.
وردا على سؤال حول ما إذا كان قد وقف خلال زياراته لهذه الأسواق على غلاء الأسعار، قال البواري: “الغلاء كيكون حسب العرض والطلب، وهادي مسألة عادية جدا، وغيكون بين الفيرما والسوق واخد الفرق وممكن نتفهموه لأنه بعص المرات كيكونو وسطاء، وكل ما كثرو هاد الوسطاء الثمن اللي كيوصل للمستهلك كيكون عالي”.
وأضاف المتحدث: “نحن حاليا داخل الحكومة نشتغل على إيجاد صيغة باش هاد عدد الوسطاء ينقص، هوما ضروريين ولكن خاص ينقصو”.
