شدد وزير الصحة، خالد آيت الطالب، على أن وزارة الصحة إلى جانب لجنة اليقظة معبئة لتكون جميع الظروف مواتية للتغلب على جائحة كورونا.
وقال الوزير، في لقاء مع قناة الأولى، مساء أمس الثلاثاء (31 مارس)، “أنا اللي بغيت نقول فهاد الظرفية هادي واللي جد مهم، هو أن قطاع الصحة عندو مهنيين مجندين، وكنطلب من المواطنين يدعمو هاد الناس، كيخدمو فظروف ديال الضغط النفسي كبيرة، وبالتالي بغاو يسمعو غي شي شوية ديال التقدير باش يزيدو يتشجعو، لأنه الإحباط ما مزيان لحتى شي واحد”.
وأضاف المحدث: “نتضامنو كاملين، والتضامن فيه جميع الأصناف، ولو التضامن المعنوي، لأن هادي قضية وطنية وكلنا مسؤولين أمام هاد الأمر.
وتابع آيت الطالب: “إيلا درنا اليد فاليد كاملين غادي نتعاونو، واليوم المغاربة وصلو واحد الدرجة ديال الوعي كبيرة، وهاد الشي كيبان من خلال هاد العزلة اللي كاين واحد الانخراط شبه كلي، وإن شاء الله غادي نخرجو من هاد الأزمة بأقل الخسائر”.