طالب رئيس الدفاع الحسني الجديدي، عبد اللطيف مقترض، جميع الجهات بوضع اليد في اليد والانخراط في التحضير لكأس العالم 2030، الذي فاز المغرب بشرف تنظيمه رفقة إسبانيا والبرتغال.
وهنأ مقتريض في تصريح لموقع “كيفاش”، صاحب الجلالة الملك محمد السادس على الإنجاز والخبر الذي زفه للمغاربة، مشددا على أنها كانت “فرحة لا توصف”.
وقال مقتريض “هاد الشي ما جاش من عبث لأن المجهودات اللي دار صاحب الجلالة على المستوى الإفريقي والعالمي، والسمعة اللي ولات على المغرب على مستوى الأمان والبنية التحتية، والنهضة في هاد 20 سنة الأخيرة ما يمكن ليها إلا تبلور بمثل هاد الثقة من جهاز كبير اللي هو الفيفا”.
وأضاف “أننا يكون عندنا تنظيم مشترك مع دول مثل إسبانيا والبرتغال إلا ودليل على أن المغرب بقيادة صاحب الجلالة والتوجهات اللي عطاها للجامعة الملكية المغربية لكرة القدم من حيث توفير بنيات تحتية وملاعب وعلى الإشعاع اللي كيعرفو المنتخب”.
وتابع رئيس الدفاع الحسني الجديدي “بالنسبة لينا كفرق وطنية ما علينا إلا نكونو فرحانين حيت مونديال 2030 غادي يكون منفعة للجميع على المستوى الاقتصادي والسياسي والرياضي، لأن الانخراط لإعداد وهيكلة المشروع اللي بدينا مع رئيس الجامعة فوزي لقجع باش يخرج ورش كبير ديال مراكز التكوين ما يمكن إلا تعطي حوايج إضافية”.
وختم مقتريض حديثه بالقول “وعلى مستوى الهيكلة التقنية أو المستوى التقني خاص تكون واحد المواكبة، حيت هادي الصورة ديال البلاد هاد الصورة اللي بغانا سيدنا ديما نكونو فالأعلى خاصنا نديرو اليد فاليد وكلنا نخارطو، كل واحد من المكانة ديالو والجهة ديالو باش نكونو عند حسن ضن الرياضي الأول جلالة الملك”.
