أحمد فنان
الفنانة هدى سعد من بعد الرد على المعجبين دازت للرد على الصحافيين في فايس بوك، ومحال عاجبها راسها غلاضت. كيفاش؟
في رد على ما نشره موقع “كيفاش”، يوم أمس الخميس (31 يناير)، بخصوص ردها (العنيف) على تعليق إحدى المعجبات، انتقدت الفنانة المغربية هدى سعد المقال، وعلقت عليه بسخرية.
واحتراما للفنانة، ومعجبيها، وحيت قشابتنا واسعة، ننشر الرد بأخطائه: “هههههه وا مسالي هاد السيد ماعرفتش واش صحفي ولا بركاك ::: خد آخر إخباري الفنية واكتب علي زيارتي للكويت وبعدها الى بيروت انشالله وكيفاش كان البرنامج بقناة الوطن والصحافة الكويتية التي أشادت بفني المغربي اللي كنسعا الى نشره!! قاليككك صحفي وكيفاش؟؟؟”.
ولكن حتى أنا ما عرفتك واش فنانة ولا باغية تقابلي معايا.. “قاليككك فنانة وكيفاش؟؟؟”. وراه كيفاش نيت.
هدى سعد لإحدى معجباتها: خمسة وخموس عليا وعلى غلضي اللي واتاني!!