والله يلا وعارينا. غير هو وكان شوف الرجل واش يقبل يجي للمغرب ولا لا. مارادونا أكيد غادي يطلب ليهم الفلوس بزاف، وشوف تشوف واش يخلي بلادو وولادو ويجي يعيش فكازا.
ولكن يلا بغى السي بودريقة يضمن مارادونا غادي نعطي ليه واحد الوصفة فاعلة تاركة، دقة بطلة، غير يجربها وغادي يجيب الله التيسير ويرد علي الخبار. وصفة ساهلة ماهلة وما خاصهاش الفلوس بزاف.
مارادونا معروف باللي مبلي، الله يعفو علينا وعليه، والفضايح ديالو كتوصل فين ما مشيتي، ويلا بودريقة قاليه راه عندنا المعجون، ويشرح ليه التبويقة اللي كيدير (المعجون ماشي بودريقة)، أكيد أنه ما غاديش يقول لا.
وفوق من المعجون كاينة الشيشة. وأرا برع.
