محمد المبارك
في خبر سار، علم موقع “كيفاش” أن ابنة إحدى ضحايا فاجعة الصويرة، والتي قدمت يوم الكارثة رفقة والدتها من آيت ملول إلى جماعة سيدي بولعلام، ستتكفل قيادة بيوكرى بمصاريف تعليمها.
المعنية بالأمر قالت، في اتصال هاتفي مع موقع “كيفاش”، باللي قيادة بيوكرى غادي دخلها للداخلية في إحدى الثانويات اللي كاينة فالمنطقة، وغادي يتكلفو بجميع المصاريف اللي متعلقة بالدراسة ديالها.
ورغم أن هاد الخبر كيبشر بالخير، ولكن كيبقاو مسائل أخرى ومصاريف أخرى شكون غادي يتكلف بها، مع العلم أن البنت يتيمة الأب منذ الولادة وما عندهاش إخوة وحتى الجمعيات النسوية ما زال ما قالوا والو.
