أخطاء شائعة تتعلق بالتغذية، غالباً ما يرتكبها الصائمون في شهر رمضان، أولاها تبدأ بالإعداد القبلي للوجبات الدسمة، بالدهون والسكريات غير الصحية والمعجّنات بأشكال وأنواع مختلفة.
وجبات دسمة وحلويات
وحذّر الطبيب والباحث في السياسات والنظم الصحية الدكتور الطيب حمضي، من هذا الخطأ الأول بالقول: “التغذية السليمة في رمضان هي مجموعة من النصائح خاصنا نلتازمو بيها أو عادات غير سليمة اللي خاصنا نتجنبوها”، مضيفا في هذا السياق، “هاد الخطأ كيوقع قبل رمضان، ملي كيبداو العائلات كيوجدو بزاف ديال الشهيوات، اللي فيهم الحلويات والسكريات والدهنيات، وفي رمضان كيصبح الانسان خاصو يستهلكهم كلشي، وهذا خطأ كبير… الإنسان خاصو ينقص ما أمكن من السكريات والدهنيات”.
الحلويات.. ماشي الشهر كامل
وقد يتعمّد بعض الصائمين تناول الوجبات الدسمة جدًا، والحلويات في السحور لاعتقادهم بأنها تملأ المعدة وتزيل الشعور بالجوع، ولكنها في الحقيقة تثقل المعدة وقد تُسبب العطش، إلا أن الموروث الثقافي والتقاليد، يجعلان من الشباكية مثلا، وسلو أو السفوف، حاضرة في وجبات رمضان.
عن هذا الجانب يقول الدكتور: “هاد الحلويات ما يمكن نتناولوها إلا بشكل مناسباتي، يمكن في أول أيام رمضان، يمكن في العيد، ويمكن في ليلة القدر، ماشي الشهر كامل”.
الماكلة بالزّربة
ويعد بدءُ الإفطار بالأغذية الغنية بالدهون، والسكريات من أهم الأخطاء الشائعة، كما أن الجوع يدفع بالبعض إلى الإفراط والأكل بسرعة، وهو سلوك ينصح بتفاديه الطبيب والباحث في النظم الصحية: “الخطأ الثاني هو ملي كيبدا الأكل على مائدة الافطار، كيكون الجوع بزاف… كانفطرو بالحلويات والدهنيات وكانساو السوائل اللي مهمة، وكانساو مسائل اللي فيها فيتامينات وبروتينات وغيرها، والأكل اللي متنوع”.
واستطرد الخبير الصحية أن الخطأ الثالث، هو الزربة في الأكل، وحنا كانعرفو باللي المعدة كيخصها مابين 15 و20 دقيقة عاد يمكن ليها ترسل إشارة ديال الشبع للدماغ، وبالتالي ملي كانزربو، كيمكن نلتاهمو آلاف الكالوريات بدون مانحسّو بالإشباع”.
البروتينات والفيتامينات والسوائل
ولم يخفِ الدكتور حمضي أهمية السكريات البسيطة وغير المركّبة، لكن المفيدة منها، حسب وصفه ما تتوفر عليه الفواكه وغيرها : “الخطأ الرابع، أنه كانساو في الصيام ديالنا الخضر والفواكه، علما أن الخضر والفواكه ضرورية جدا بالنسبة للتغذية ديالنا، وكانساو كذلك البروتينات اللي كاينة في اللحوم الحمراء والدواجن والأسماك، والبيض والحليب، وحتى البروتينات النباتية”.
ومن الأخطاء كذلك، يؤكد المتحدث، أنه :” كاين اللي ماكيستهلكش الماء في الليل، خاصنا ملي نفرقو الصيام وإلى السحور، نكونو كانشربو الماء والسوائل بزاف، كانحتاجوها بزاف، وهي الأهم، وقبل الأكل.
ماشي ضروري 4 الوجبات
ويكثر الحديث عن عدد الوجبات في رمضان، في هذا الإطار، قال الدكتور حمضي: “من 3 حتى 4 الوجبات في رمضان في الليل، ماشي ضرورية، 2 الوجبات كافيين، فطور بالهدوء وممتد بشوية علينا، والسحور كذلك يكون فيه، ويلا كانت شي وجبة خفيفة في فترة العشاء”، مضيفا، في هذا السياق، ما نساوش كذلك الحركة ملي نفطرو ولا نتعشاو، خاصنا نتحركو واحد شوية، ومانبقاوش جالسين الليل والنهار”.
