قدم وزير العدل، عبد اللطيف وهبي، توضيحات بشأن وزير بعض التعديلات المقترحة في مدونة الأسرة والمتعلقة بتقاسم الزوجة الثروة مع زوجها بعد الطلاق، وقضية احتساب العمل المنزلي.
وقال وهبي، خلال استضافته في برنامج “غرفة الڤار”، اليوم السبت (28 دجنبر)، “راه ماشي تتزوج وحدة اليوم وغدا تقول ليك عطيني نصف الأموال ديالك، هذا فاهم مغلوط، لأن كل الممتاكات التي كانت قبل الزواج غير قابلة للقيمة، لأن هاديك دارها قبل الزواج، من بعد ما يتزوج خصهم يقروروا واش اموالهم تكون مشتركة ولا كل واحد وأموالو خاصهم يقرروها فعقد الزواج”.
وأضاف وهبي: “ملي كتكون المرأة جالسة فالدار، انت كتدير المشاريع وهي كتوفر ليك الماكلة والملبس والمبيت، خاصنا نحسبو العمل ديالها لأن العمر ديالها دوزاتو فالخدمة ديالك، حنا خصنا نحدد قيمة داك العمل، وغنحددوها وفقا لشروط معقدة شيئا ما، والان كاين بحث فهاد الموضوع، وما غنمسوش بالعدالة والإنصاف غادي ننصفوا كل واحد فيهم”.
وتابع وزير العدل: “المشاركة التلقائية غتتنظم، ولكن ماشي بالسرعة باش كتتخيلو غتاخد منا وقت، ولكن حاليا كنديرو دراسة على مستوى دول العالم باش نشوفو أشنو التجارب اللي عندهم وكتناقشو مع رجال الدين ورجال علم الاجتماع، ومن بعد نديرو التصور، ولكن ماشي بهاد الصياغة ديال تتزوج بها اليوم وغدا تقصم معها”.
