قال كريم الگلايبي، عضو مجلس مدينة الدار البيضاء، وعضو لجنة تتبع مركب محمد الخامس، إن مسؤولية الأحداث التي عرفها محيط الملعب، الأسبوع الماضي، والتي خلفت وفاة مشجعة رجاوية، تتحملها عدة جهات، من بينها شركات التنمية المحلية في الدار البيضاء.
وأوضح الگلايبي، خلال استضافته، اليوم الجمعة (5 ماي)، في برنامج “بدون لغة خشب”، على إذاعة “ميد راديو”، أن “التحقيق اليوم مفتوح من قبل السلطات القضائية، وخاصنا نتسناو نتائج التحقيق، ولكن بصفتي عضو فلجنة تتبع مركب محمد الخامس، فأنا عارف الحيثيات اللي كتبين ليا أنا أشنو هي أسباب الحادث”.
مسؤولية الجماهير
واعتبر عضو اللجنة أن تزوير التذاكر كان من بين أسباب الحادث، موضحا: “ملي كنقول التزوير راه القاصي والداني كيعرف باللي هاد الآفة كاينة، وتدراو أشكال مختلفة للتذاكر وكتتزور، وهاد التزوير كتتحمل مسؤولية فئة كبير من جماهير الفريقين البيضاويين الوداد والرجاء، اللي كتدير بعض الممارسات اللي عرفها كل شي”.
وتابع المسؤول الجماعي: “الأمن راه توصل فأكثر من مناسبة لبعض المكتبات فين كيتم طبع هاد الوثائق المزورة اللي كتدير هاد المشكل. وكاينين جماهير كيجيو غير لجنبات الملعب وكيتسناو اللي يدخلهم”.
مسؤولية “كازا أميناجمون”
وأبرز الگلايبي أن جزء كبيرا من المسؤولية تتحمله شركة التنمية المحلية “كازا أمينجمون”، “حيت هي اللي تعطاتها 20 مليار سنتيم، سنة 2014، لإعادة تأهيل الملعب (من المدرجات والرقعة الخضراء والفنادق الواقعة تحت المركب والمسبح الأولمبي والقاعات والمرافق)، هاد الشي ما تصاوبش كولو تصاوبو المدرجات والعشب، و”كازا اميناجمون” تتحمل مسؤولية كبيرة فهاد الشي لأنه تعطاوها مبالغ كبيرة لتأهيل المركب وتسببت فكوارث”.
وأشار عضو لجنة تتبع مركب محمد الخامس إلى أن “اللجنة في اجتماعها الأول طالبت شركة “كازا اميناجمون” تجي تعطينا تقرير فين تصرفات ديك 20 مليار فين تخسرات، لأنها ما كملاتش المرافق، جا الشان وتنظم فالمركب وكان خاص يدارو فيه إصلاحات على مستوى الإضاءة والصوت، دارو الإصلاحات بلا اتفاقية مع الجماعة، دارو إصلاحات منهم لراسهم”.
مسؤولية “كازا باتريموان”
كما حمل عضو مجلس جماعة الدار البيضاء مسؤولية الأحداث التي رافقت مباراة الرجاء البيضاوي ونادي الأهلي المصري، والتي أودت بحياة المشجعة الرجاوية “نورا”، لشركة التنمية المحلية “كازا باتريموان”.
وجاء على لسان الگلايبي خلال اللقاء الإذاعي بأن “شركة “كازا باتريموان” تدارت من بعد ما “كازا أمينجمون” ما كملتش خدمتها، جا مجلس العمالة وانتدب “كازا باتريمون” باتفاقية لخلق مسرح رياضي داخل القاعة اللي فالمركب، للي لحد الآن باقي ما تأشرش عليها، وبدات الشركة الأشغال فالمركب دون موافقة الوزارة الوصية ودون التأشيرة على الاتفاقية وباقي ما تبلوكاتش الفلوس”.
وأضاف المتحدث: “شركة “كازا باتريموان” بدات الأشغال بلا علم جماعة الدار البيضاء اللي هي صاحبة الملك، ودارت أشغال اللي تسببت فمشاكل فالمركب، منها ما وقع فـ”لازون 6″ و”لازون 7″، الشركة دارت أشغال اللي ما كانش خاصها تديروهم وضربات الكليماتيزاسيون ديال الملعب والسونيغيزاسيون فالتيران، هاداك التيران كون كانت”الزون 6″ محلولة ما كانوش دوك الجماهير أيبقاو على برا داك النهار، حيت ديك لازون كتهز 7000 متفرج”.
أموال صرفت بطريقة تدليسية
وأخلى عضو مجلس مدينة الدار البيضاء مسؤولية المجلس عن الاتفاقيات الموقعة مع شركات التنمية المحلية السالفة الذكر، موردا: “حنا ماكناش فالتسيير ملي توقعو هاد الاتفاقيات، هذا إرث من المجلس السابق، اليوم كنحاولو نخرجو هاد المشاريع المتعثرة”.
وسجل الگلايبي بأن “المجلس الجهوي للحسابات، في تقريره الصادر في فبراير الماضي، اعتبر أن الطريقة باش تصرفات هاد 20 مليار اللي تعطات لـ”كازا أميناجمون” كانت طريقة تدليسية، وقال باللي الاتفاقية بين الشركة وجماعة الدار البيضاء يشوبها غموض”.
اختلالات تستجوب التحقيق
ونفى ضيف “بدن لغة خشب” محاولة تبرأت “كازا إيفنت”، موردا: “أنا فالمجلس أكثر من ينتقدهم، ولكن الموضوع ولى بحال يلا كنمشيو للحيط القصير، طاحت الصومعة علقو الحجام، المسؤولية كيتقاسموها العديد من الجهات منها وزارة الرياضة، لأنه فـ2019 تدرات اتفاقية بقيمة 8 ديال المليار و800 مليون باش يكملو دوك الانجازات اللي ما تداروش، وما وفاتش بالاتفاقية، وما حطاتش الاعتمادات وبالتالي هي كتحمل جزء من المسؤولية”.
وأضاف الگلايبي: “”كازا إيفنت” حتى هي تدخلت فشي أمور مرتبطة بالتأهيل، حيت دارت معها “كازا امينجمون” لاباساسيون عوض تديرها مع مجلس جماعة الدار البيضاء، وهادي كلها اختلالات تستوجت تحقيق باش كل واحد يتحمل المسؤولية ديالو”.
من يتحمل مسؤولية التذاكر المزورة؟
وتابع المتحدث: “”كازا ايفنت” عندها أيضا مجموعة من الخروقات، لكن لا ترقى إلى هاد الضجة كاملة، هي راه ماشي شركة خاصة، هي شركة ديال البيضاويين، جماعة الدار البيضاء راه عاطياها المركب أي التدبير داخل المركب ماشي المحيط ديال المركب، يعني هوما كيتحملو المسؤولية ديالهم، وكاين جهات أخرى كتتحمل المسؤولية أيضا”.
واعتبر عضو لجنة تتبع مركب محمد الخامس أن مسؤولية التذاكر المزورة تتحملها شركة “كازا ايفنت”، لأنها “ما بدعتش طريقة اللي ممكن تحل لينا مشكل ديال تزوير التذاكر، وتتحمل أيضا مسؤولية دوك الجمعيات اللي محتلين المركب التحت ومن بينهم جمعيات ما عندهم علاقة بالكرة”.
مسؤولية الأمن
ورفض الگلايبي تحميل مسؤولية الأحداث للمؤسسة الأمنية، قائلا: “الأجهزة الأمنية كتدير عمل جبر، بكل تلاوينها، كيديرو مجهود كبير، يلا كان مثلا اليوم ماتش الوداد وغدا الرجاء راه كيتكرفصو، وكيكونو بمختلف الرتب، وكيديرو عمل كبير، المؤسسة الأمنية كتكرفص باش يدار التتبع، ويلا كان شي عنصر ولا عناصر كيديرو ممارسات ماهياش، راه ما يمكنش نلصقوها فالمؤسسة كاملة، المسؤولية يمكن نحملها لبعض العناصر ماشي للمؤسسة”.
وردا على مطلب بعض الجماهير بتشييد ملعب كبير أخر بالدار البيضاء، عوض مركب محمد الخامس، اعتبر عضو مجلس مدينة الدار البيضاء أن هذا المقترح لن يحل المشكل لأن عدد الجماهير أصعب كبيرا جدا.
وقال الگلايبي: “اليوم وخا نبنيو تيران ديال 300 ألف متفرج، اليوم ثقافة الملعب ولات كبيرة عند الناس، ولات صحوة رياضة ساهمت فأن الناس ولاو بغاو يمشيو للتيران، والنساء حتى هوما كيبغيو دابا يمشيو للتيران، اليوم راه عندنا جماهير وصل العدد ديالها لـ5 ديال المليون”.
