واحد من سكان دورا دمنت، نواحي عرباوة، رفع شكاية ضد ولد عمو باش يرجع ليه مبلغ 45 درهم، اللي صاوب ليه بيها الفاس ديال الفلاحة.
وحسب الشكاية، المؤرخة يوم 16 أكتوبر الجاري، السيد كيقول باللي تسلف من عند ولد العم ديالو الفاس، وحيث لقاه خاسر مشا داه للمدينة باش يصابو وخسر عليه 45 درهم، وفاش رجعوا ليه ما بغاش يعطيه الفلوس.
المشتكي في هذه القضية كيطلب من القاضي يستدعي المتشكى به للمحكمة ويرجع ليه الفلوس، ويلا ما بغاش يحكم عليه بعقوبة بدنية.
من بعد انتشار هاد الوثيقة، مجموعة من رواد مواقع التواصل الاجتماعي واجهوها بسخرية كبيرة، لا من حيث مضمون الشكاية اللي وصفوه بالتافه، ولا من الشكل، حيث النص عامر بأخطاء لغوية وإملائية.
وكتب أحد المعلقين ساخرا: “دابا خاصك ضروري دير شي محامي محنك يوقف ليك على القضية”. وكتب آخر: “راه خاصك تنقص بعدا ثمن الكراء ديالك للفاس”.