باش نجيكم نيشان: أنا ما خرجتش لا فالرباط لا فكازا، وما عمرني نخرج نتضامن مع الفلسطينيين بالشعارات، حيت هاد الشي ولى كيبان لي في شكل. قرن وزمارة وحنا دايرين القضية الفلسطينية قضية وطنية شنو قضينا؟
زايدون واش حنا نفهمو فهاد القضية أكثر من أبو مازن وخالد مشعل؟ واش حنا عندنا القلب على غزة أكثر من ماليها؟ كنضحكو على راسنا، ولا كنضحكو على الفلسطينيين؟
كيظهر لي صافي وصلنا للمرحلة ديال البهرجة بهاد القضية. وعلى ما كيبان لي، الإسرائيليين دابا جالسين مجمعين وكيشوفو فالمسيرات وكيضحكو علينا، هاد الشي يلا ساقو ليها الخبار أصلا.
واش أعباد الله، إسرائيل قضات الغرض عاد حنا نضنا نديرو المسيرات ديال التضامن. وكون غير درنا مسيرة وسكتنا، زايدينها فدوك التحالفات الباناتشي.. اليسار مع الإسلاميين، والليبراليين مع الاشتراكيين، والجمهوريين مع اللي ما عندهم ملة.
شحال تعطيو باللي النص من هادوك اللي خرجو ما عندهم غرض فغزة؟
تشاو تشاو.
