جمال الرياضي
إيريك غيريتس طلع ليه الزعاف، وقرر أخيرا أنه يمشي فحالاتو. كيفاش؟
مدرب المنتخب اتصل أمس الاثنين (10 شتنبر) بعلي الفاسي الفهري، رئيس الجامعة الملكية المغربية لكرة القدم، وطلب أن يجتمع معه باش يلقاو شي تخريجة ودية للعقد اللي كيجمع بيناتهم.
هاذ الشي مزيان وكيفرح المغاربة، ولكن المشكلة هي أن رئيس الجامعة هو اللي متردد. كيفاش هاذ القضية عاوتاني؟ الفاسي طلب من غيريتس أنه يعطيه شوية ديال الوقت باش يتشاور مع راسو، أو مع شي جهة أخرى، قبل ما يرد عليه.
شكون اللي متعاقد مع غيريتس بالضبط؟ واش الجامعة أولا شي حد آخر؟
