أكد رومان سايس عميد المنتخب الوطني المغربي، على ضرورة تحقيق الفوز خلال اللقاء الأخير من دور مجموعات كأس أمم إفريقيا، أمام منتخب زامبيا، لضمان صدارة المجموعة السادسة.
وقال رومان سايس خلال الندوة الصحفية التي تسبق مباراة الأسود وزامبيا : “كنا باغيين نتأهلو، حققنا التأهل والهدف ديالنا دابا هو المركز الأول، مخصناش نترخاو فالمباراة الأخيرة خاصنا نبقاو فالتنافسية ديالنا، كاينين منتخبات معانا مازال متأهلاتش غنحتارموهم وغناخدو هادشي بعين الاعتبار، والأهم هو أننا بغينا نقدمو أداء جيد ونحققو ثلاث نقاط ونبقاو فالصدارة”.
وعن المباراة السابقة أمام منتخب الكونغو الديمقراطية، علَّق رومان سايس قائلا: “فماتش الكونغو الديمقراطية بغينا نقدموا أداء أفضل لكن بالنظر لجميع العوامل اللي كانت والأجواء مخسرناش وخدينا نقطة وضيعنا جوج النقاط بأخطاءنا، رغم قوة الخصم حنا اللي حطينا راسنا فالصعوبات، مزيان هادشي وقع لينا دابا وماشي فمباريات خروج المغلوب هادشي غنتعلمو منو وغينفعنا مستقبلا وغيخلينا نمشيو فالطريق الصحيح فباقي المسابقة”.
وأضاف عميد أسود الأطلس: ” بسبب أخطاءنا خسرنا جوج النقاط، المستوى ديالنا نقص فالشوط الثاني وخلينا المساحات للخصم، العامل البدني حتى هو لعب دوره بسبب الحرارة، المباراة كانت صعيبة بزاف، جميع اللاعبين دارو جهدهم مغنتخباوش وراء الأعذار، منين كيكونو مباريات بديك الحرارة ونسبة الرطوبة العالية خاصنا نتعاملو بذكاء باش نديو ثلاث نقاط فالماتشات الصعاب”.
وسيواجه المنتخب المغربي منتخب زامبيا، غدا الأربعاء (24 يناير) في آخر المباريات عن دور مجموعات كأس أمم إفريقيا، حيث يسعى الأسود لتحقيق نتيجة إيجابية من أجل ضمان صدارة المجموعة السادسة.
