كشف مدرب المنتخب المغربي لأقل من 23 سنة، عصام الشرعي، عن وصفة نجاح فريقه للفوز بلقب كأس إفريقيا للأمم.
وقال الشرعي خلال حلولها ضيفا، يوم أمس الأحد (16 يوليوز)، على برنامج “مع الرمضاني”، الذي يبث على قناة الثانية، “وقعت مع الجامعة في نونبر يعني يالاه 7 شهور، وكان الهدف الأول هو الشان ولكن ما مشيناش”.
وأضاف “قبل الشان اشتغلت مع المحليين، ومن بعد ما كانش بزاف دالوقت باش نشتغل مع جميع اللعابة، ولكن عموما شفت تقريبا 98 لاعب في الملعب ومن بينهم عرفنا نقيموهم وشفنا الإمكانيات ديالهم”.
وتابع الشرعي “حتى في آخر معسكر كاينين بعض اللعابة عمرني شفتهم يعني غير تواصلت معهم وشفتهم كيلعبو عمرهم كانو عندي فالمعسكر”.
وأبرز مدرب “الأشبال”، أنه “فنفس الوقت أهم حاجة، وكنا شفناها حتى فقطر، هي ديك الروح ديال الخوت وديال المجموعة اللي تقاتلو مع بعضياتهم، وعندهم كلشي خوت وما كاينش الحسد بيناتهم”.
وختم حديثه بالقول “هادي أهم حاجة كنت باغي نوصل ليهم، أنهم كلهم عندهم إمكانيات كروية ولكن ماشي غير الإمكانيات الكروية فرديا اللي غيديرو الفرق خاصنا جماعيا كلشي يكون عندنا نفس الهدف”.
