محمد المبارك
في 2017 كانت بزاف ديال الأحداث المهمة فالبلاد، ولكن مغاربة الفايس بوك انشغلوا بأحداث من نوع خاص.
حمارة سيدي قاسم.. العالمية
15 مراهق غسيدي قاسم “اغتصبوا” حمارة. قضية وصلت للعالمية، والسبب حيث ما عندهمش دار الشباب، وكاين اللي قال، من باب السخرية، أن الحمارة كانت متبرجة.
الاغتصاب فالطوبيس.. الصدمة
مجموعة مراهقين حاولوا اغتصاب فتاة مريضة نفسيا في طوبيس فكازا أمام أعين الشيفور. وحيث الحادثة كانت قريبة زمنيا من قضية الحمارة، المغاربة ما جاتهمش عجب.
مي عيشة.. البوطو
“مي عيشة” مسنة هددت بالانتحار في مدينة الرباط بصعودها بوطو بعدما كانت ضحية نصب وداو ليها ديالها، كيف ما قالت.
حتى و هي على مشارف الموت ما نساتش تهز معها علم المغرب.
كازا.. السور القاتل
انهيار جدار مصنع بسبب الأمطار، في شهر دجنبر، في الدار البيضاء، واللي خلف قتيلين والعديد من الضحايا، كان حدث شغل مغاربة الفايس بوك.
حد السوالم.. 17 مليار
نائب برلماني في حد السوالم لقاو عندو 17 مليار فالدار. هادي “إشاعة” خلات مغاربة الفايس بوك يحطو العديد من الطرولات كان أبرزها “أين الثروة: إنها في حد السوالم”.
مراكش.. وصلت المافيا
رصاص في مقهى لاكريم في مراكش وتصفية على طريقة المافيا راح ضحيتها حمزة الشايب الطالب في كلية الطب. وهاد الشي كامل بالخطأ.
الأساتذة.. التشرميل
سنة 2017 كانت سنة نحس على الأساتذة حيث تعرض العديد منهم للاعتداء وكان الحدث الابرز هو التشرميل واستعمال أدوات حادة ضدهم.
