لليوم الثاني على التوالي، شكل موضوع تشكيل الأغلبية الحكومية الجديدة مادة دسمة للسخرية والتندر بين نشطاء الشبكة الاجتماعية فايس بوك، الذين “أبدعوا” في اختيار أوصاف ونعوت ساخرة لتركيبة الأغلبية الجديدة، ك”حكومة إتلاف وطني”، و”حكومة بطاطا”، و”حكومة البناشي”، و”حكومة سامدي سواغ”.
وكتب أحد النشطاء، معلقا على مكونات الحكومة الجديدة، “حكومة إسلامية، لبيرالية، إشتراكية، تقدمية، تجمعية، شعبية ودستورية.!! شكون فحالنا؟”. وأضاف آخر: “الحكومة مراجلة فحال صدايف لشكر”.
وفي تدوينة أخرى، قال أحد النشطاء معلقا على السرعة التي تم بها تشكيل الأغلبية، “سيصدر الطبيب العثماني كتابا في الأشهر القادمة تحت عنوان :كيف تشكل حكومة من ستة أحزاب في ستة ايام”. وأردف آخر: “شكون لي كان داير البلوكاج، حزب مقاطعي الانتخابات”.
نشطاء آخرون وجهوا سهام انتقاداتهم إلى حزب العدالة والتنمية، وكتب أحدهم: “وفجأة، أصبحوا بارعين في الفقه التبريري الانهزامي”. وقال آخر: “صدعوا رؤوسنا لن نركع أبدا لن نركع.. ثم سجدوا مباشرة”. ودون ناشط آخر: “كان يا ما كان.. واحد الزمان.. فيه راااجل سميتو ابن كيران.. كان كيقول 125 أكبر من 37، جاء من بعدو واحد العام سماوه الناس عام صلح الحديبية ولات فيه 20 أكبر من 125”.
نشطاء الفضاء الازرق تداولوا نكتة تعبر، حسبهم، عن واقع الأحزاب السياسية المشاركة في الأغلبية الجديدة، وتقول النكتة:
-العدالة والتنمية: التلميذ المجتهد لي كيجي هو الأول ومكيحملوش المدير .
-الأصالة والمعاصرة: ولد المدير، في الامتحانات كيعاونو المعلم والمفتش والعساس ديال المدرسة وكيجي هو الثاني بزز.
-التقدم والاشتراكية: التلميذ الكسول لي كيطير فالشفوي وفي الكتابي مكيجيبش المعدل.
-الأحرار: ولد الفشوش باه لباس عليه كيدير السوايع كيطير فالفرنساوية ولكن حتى هو ما كيجيبش المعدل.
-الاستقلال: خوتو لكبار كانو كيقراو مزيان لكن هو كيجيب المعدل غير بزز.
-الاتحاد الاشتراكي: كان كيقرا مزيان في التحضيري دابا ولا عاطيها غير للنقلة.
-الحركة الشعبية: ملاباسش عليه، مكيقراش مزيان، باه ماشي مدير، ايامات الامتحانات مصاحب مع المجتهد، يامات النتائج مصاحب مع ولد المدير، يامات العطلة مصاحب مع لي لباس عليه.
-الاتحاد الدستوري: داك التلميذ لي بحال كاين بحال ماكاينش.
-اليسار الاشتراكي الموحد: يالاه دخل المدرسة قرا مزيان ولكن ما دار والو وما فهم والو وكيتشكی من المعلم ومن المدير ومن التلاميذ ومن الآباء والأولياء ومن الأمم المتحدة ومن رومبو. ..
-الأحزاب الآخرين جراو عليهم من المدرسة حيت جابو نوت اليمينتوار.
