علي أوحافي (تـ: وراق)
أكدت بسيمة الحقاوي، وزيرة التضامن والمرأة والأسرة والتنمية الاجتماعية، أن علاقتها بالحركة النسائية المغربية عادية وطيبة، ونفت وجود أي خلاف مع مكوناتها.
الاحتجاح حق..
الحقاوي، التي كانت ضيفة برنامج “في قفص الاتهام” على ميد راديو، اليوم الجمعة (27 نونبر)، قالت: “علاقتي مع الحركة النسائية عادية، وجزء كبير من الحركة ما عندهم حتى إشكال باش يكون اللي ما كيتقاسموش معاه أفكارهم يسير قطاع مهم”.
وعن احتجاج الحركة على ابن كيران بعد وصف للنساء بـ”الثريات”، قالت الحقاوي إن “الحكومة ما عندها مانع يحتجو الناس، ولكن ملي كتجي تفكر كتشوف بأن شي احتجاجات غير منطقية، وعلى كل حال لا أدافع أن وصف النساء بالثريات ولا نمنع الناس باش تعبر على حقها في الاحتجاج”.
آخر إنذار للشماتة..
وعن الحملات التحسيسية لمحاربة العنف فقالت الوزيرة: “المغرب طلق 13 حملة من 1998 كنقولو كفى من العنف وملي كنجيو نوقفو على الإحصائيات كنلقاوها تزادت، إذن كاين شي حاجة غير معقولة، راه كاين المرأة اللي جلسها الراجل فوق البوطة، واليوم مجموعة من الحالات كنعيشوهم دفعاتنا نطلقو حملة ما تكونش شماتة، والرجل لا يمكن أن يضرب المرأة أو يلحق الضرر بها”. وأضافت مازحة: “راني وصيتهم في الوزارة العام الجاي يعليو البارّة، واخا ما نكونش السنة الجاية في الحكومة غادي يكون القانون”.
التحرش.. خوف الرجال
بخصوص التحرش الجنسي، شددت الوزيرة على أن العقوبات في الصيغة الجديدة لمشروع القانون لم تتغير، قائلة: “الغرامات المالية مازال كاينة في القانون بالأخص ملي كتعرض المرأة لضغط في الشارع وفي العمل، وما كاين حتى مبالغة في العقوبات، واللي ما عندو نية باش يتحرش بالمرأة هو اللي خايف”.
المناصفة.. التشاركية
عادت الوزيرة إلى الحديث عن تفاصيل سحب مشروع قانون هيأة المناصفة، وقالت: “سحب قانون مناهضة العنف ضد النساء من مجلس الحكومة أمر عادي وتفهمت الوضع، وطوالت المدة بحوالي سنتين، ولكن كان عمل مهم وجميع القطاعات الحكومية والجمعوية وبعض المؤسسات الدستورية بداو ملاحظاتهم بخصوص القانون، وبدينا كندققو مع وزارة العدل، وكيفنا القانون مع قوانين صدرتها وزارة العدل”.
المساواة في الإرث.. النص مقدس
وزيرة التضامن والمرأة والأسرة والتنمية والاجتماعية أبدت أيضا رأيها في توصية المساواة في الإرث التي أصدرها المجلس الوطني لحقوق الإنسان، واعتبرت أنها غير منطقية، وقال: “أنا عندي ملاحظة على التقرير، جاني بحال شي زوبعة في فنجان وواحد القيامة ناضت على تقرير مكرر تم فيه تجميع المعطيات اللي نتجاتها المندوبية السامية للتخطيط ومجموعة من التقارير وتحطات معاهم جملة المساواة، وملي تكلم التقرير على المرأة كان خصو يعطي أولويات لمشاكل المرأة المغربية على الخصوص، فنساؤنا اليوم باقين ما كياخدوش حقهم الشرعي، ودابا خاص نأطرو النساء باش ياخدو هاد الحق”.
وزادت الحقاوي: “حنا كلنا كنعرفو بأن النص القرآني اللي كيأطر الإرث هو نص قطعي، وهو اللي كيقسم بالنقطة والفاصلة جميع الحالات، وكاين عدد من الحالات كتاخد المرأة أكثر من الرجل”.
