محمد المبارك
بعض نشطاء الفايس بوك رجعو للأرشيف ديال بعض المشاهير وبداو كيتفاعلو مع هاد الصور ، مذكرين هؤلاء الفنانين بماضيهم وكيفاش كانت الصور ديالهم عادية جدا وحتى الشكل ديالهم تغير.
والسبب ديال هاد الشي، كان نعت الفنان الشعبي موس ماهر ل”نكافات دوزي” ب”المتشردات”، الشي اللي خلى “نكافات سعد المجرد” يضحكو عليهم بكل سخرية، بحكم العداوة اللي بيناتهم.
هاد الشي خلى “نكافات دوزي” يدخلو للأرشيف ديال الفنان سعد المجرد وجبدو الصور القديمة ديالو وبداو يتفاعلو معاها.
وجاء في واحد من التعليقات الساخرة: “ياماتك ا سعد فاش كنتي تتكب كوكو أنا هذا”. وقالت أخرى: “سعد يامات نوكيا”.
وفي السياق ذاته، تم الهجوم على مشاهير آخرين وأبرزهم الإعلامي رشيد العلالي، اللي ركزوا على صورة ليه في عام 2010 مع زميله هشام مسرار والفنان سعيد الصنهاجي، ساخرين من طريقة التصوير ومتحسرين على أيام الصداقة بين المنشطين.