محمد المبارك
نهار الخميس اللي فات (9 نونبر)، كروب “كيد المغربيات” على الفايس بوك، اللي يعد من أكبر التجمعات النسائية في المغرب، دار حملة جمع الإهداءات من عند العديد من الفنانين والمشاهير.
الخطة بسيطة جدا، كيهزو الرقم من أنتسغرام أو الصفحة الرسمية على الفايس بوك، وكيحطوها فمنشور فالكروب، وكتطلب مولات المنشور شن هجوم على الفنان عن طريق رسائل في الواتساب لمطالبة “الضحية” (الفنان أو أحد المشاهير) بتقديم إهداء لكروب “كيد المغربيات”.
ومع كم الرسائل اللي كتوصل، واللي كتكون بالمئات، وكذلك فاش كيعرف أن الكروب فيه أزيد من 120 ألف معجب، “الضحية” ما كيلقى غير يستسلم للأمر الواقع، حيث يلا ما دارش غادي يخسر المعجبين، وحتى تلفونو يقدر يخسر بكثرة الرسائل.
العديد من الفنانين والمشاهير دارو إهداءات، منهم محمد رضا، أمينوكس، أمل صقر، عزيز دادس، زهير البهاوي، فؤاد وكريم عبدو، وآخرون.
