أخنوش دوز شي يامات فأكادير، ملي سالا مع مهرجان “تيميتار”، اللي هو عضو مؤسس فالجمعية اللي كتنظمو، داز للتعليم وتكريم التجار، عملا بمقولة “النشاط اللي جا باسم بالله”.
رئيس حزب التجمع الوطني للأحرار، وبلا عكز عليه، حضر “منتدى أورير للتفوق” فدار الشباب فأورير، اللي هو مبادرة تهدف، حسب المنظمين، إلى “تشجيع ناشئة جماعة أورير في التحصيل العلمي والتفوق الدراسي، من خلال تنظيم أكبر حفل للاحتفاء بالتلاميذ المتفوقين دراسيا في جميع المؤسسات التعليمية، وتكريم عدد من الأساتذة الذين أسدوا خدمات تعليمية وتربوية جليلة لأبناء المنطقة”، هاد الشي اللي قالوا والله أعلم.
أخنوش فهاد اللقاء اللي نظمتو جمعية سميتها “جمعية تجار جماعة أورير”، ناض وفرق جوائز على التلاميذ المتفوقين، وعطا جوائز تكريمية للتجار القدامى في منطقة أورير، وقال شي كلمة قدام الحاضرين.
المهم السيد باينة بادي من دابا كيتريني على الحملة الانتخابية ديال 2021، وما مقصرش من جهدو، ها هو فالتجمعات الحزبية هاهو فالفن هاهو كيشجع العمل الجمعوي، المهم أخنوش داير التسخينات وكيوجد للقيامة ديال 2021.
