علي أوحافي
شي ناس فالبيجيدي كيحاولو يلصّقو أي حاجة وقعات ليهم فالخصوم والأعداء وفالعفاريت والتماسيح، وهاد الشي اللي واقع دابا مع النقاش على “الولاية الثالثة” لعبد الإله ابن كيران في قيادة الحزب. كيفاش؟
مجموعة من قياديي العدالة والتنمية، على هامش المجلس الوطني الاستثنائي، أول أمس السبت (15 يوليوز) في الرباط، جاوبو على أسئلة الصحافيين حول هاد القضية ديال الولاية الثالثة، شي وحدين منهم قالوا هادا ماشي وقت هاد الموضوع، ولكن بعضهم قالوا نيشان باللي هوما ضد تعديل القانون باش يديرو الخاطر لابن كيران.
عبد الحق العربي، عضو الأمانة العامة لحزب العدالة والتنمية، دار تصريح للموقع ديال البيجيدي، قال فيه باللي “مجموعة من الجهات تعتقد أن مناقشة تعديل المادة 16 ستفجر حزب العدالة والتنمية، حيث راهنوا على حدوث ذلك في أول اجتماع للمجلس الوطني الأخير، فخاب ظنهم وأملهم ودخلوا في نوبات بكاء على صفحات مجموعة من المواقع والمنابر المغرضة”.”
وباش كمّلها وجمّلها، العربي قال باللي “عودة ابن كيران إلى قيادة الحزب فيه أحد أمرين بالنسبة لهم، أولا البعض سيرى أن التمديد للزعيم حوّل الحزب إلى حزب سياسي عادي كباقي الأحزاب مما سيدفع جوقة منهم إلى الخروج الإعلامي للنيل من الحزب، كما أن ذات الجوقة متخوفة من عودة ابن كيران، بقوته، في المرحلة المقبلة
