كشف مولاي حفيظ العلمي، وزير التجارة والصناعة والاقتصاد الرقمي، أن المغرب تمكن لحد الساعة من توزيع 5.4 مليون كمامة في مختلف الأسواق الكبرى في المملكة.
وقال الوزير، في تصريح لقناة “ميدي 1 تيفي”، أمس الثلاثاء (7 أبريل)، “اللي خص المغاربة يعرفوه أنه بتعليمات ملكية سامية، هادي أكثر من 3 أسابيع بدينا كنتجو هاد الكمامات، والآن اللي تنتج فالمغرب هو الانتاج اليومي ديال 3 دالمليون ديال الكمامات، واللي تقدم للسوق هو أكثر من 5.4 مليون، لحد الان لأنه يلاه يدينا فتوزيع الكمامات”.
وأضاف المتحدث: “بدينا بالأسواق الكبرى، منذ يوم الاثنين (6 أبريل)، ومن بعد ساعة ونص جميع الكمامات اللي فالأسواق الكبرى تشرات لأن الناس مشاو يشريو أكثر من اللازم، ولكن ما كاين مشكل، الحمد لله المنتوج المغربي غيوصل لأكثر من 5 دالمليون ديال الكمامات بشكل يومي ابتداء من الثلاثاء المقبل (14 أبريل)”
وعن المنهجية المعتمدة في توزيع الكمامات وإيصالها إلى محلات القرب في العالم القروي، قال العلمي: “هاد المشكل غير مطروح، 66 ألف نقطة بيع عبر المملكة وصلناه ما بين ليلة الاثنين وصباح الثلاثاء، بعد الاستعانة بخدمات جوج شركات كبرى لتوزيع الحليب، عبر المملكة، وهاد رقم ما كناش نتخيلوه”.
وتابع الوزير: “ماكاينش مشكل ديال الكمامات، غي هاد اليومين غادي يخصنا نصبرو شوية لأنه ماشي ما كاينينش الكمامات ولكن المغاربة كانو خايفين ما يلقاوهمش، ولكن لحد الآن حتى حاجة ماخاصة السوق، والكمامات ما غاديش يكون فيهم مشكل، ونقدر نقوليكم من دابا بعض الأسابيع المغرب ممكن يصدر الكمامات المصنعة في المغرب”.
