عبر مدرب المنتخب الوطني الأولمبي طارق السكيتيوي، عن فخره واعتزازه بالإنجاز الذي حققه رفقة “أسود الأطلس”، بالوصول إلى مباراة نصف نهائي الأولمبياد المقامة في باريس لأول مرة في التاريخ.
وقال السكيتيوي في تصريح لقناة “الرياضية”، عقب التأهل إلى المربع الذهبي بتحقيق الفوز على المنتخب الأمريكي، “عندنا رجال ماشي لاعبين، وكنقولها ليهم من أول يوم، ما تصوروش كم الحب اللي عندهم للراية الوطنية والطريقة باش كيلعبو ديما هازين معهم الجمهور المغربي والنظرة والفخر ديالو”.
وأضاف “حنا فرحانين بهاد الشي اللي وصلنا ليه، حقيقة الرجال راهم كيكتبو التاريخ”.
وتابع “الماتش اللي فات ماكانش ساهل وهاد الماتش كان أصعب، وطكتيكي أكثر، ولكن الرجال كانو عند حسن الظن وما خيبوناش”.
وأكد السكيتيوي أن “الدراري خدمو من النهار الأول وبصراحة ما كانتش الأمور اللي عشنا ساهلة، حيت كانت عندنا فقط 10 أيام ديال الاستعداد، والحمد لله عندنا رجال اللي كيفهمو وضحاو بزاف خلال الاستعدادات وحتى المقابلات… كنوجه ليهم تحية كبيرة وكنقول ليهم كنحبكم”.
يشار إلى أن المنتخب الوطني المغربي الأولمبي سيواجه يوم الاثنين المقبل، نظيره الإسباني، برسم نصف نهائي أولمبياد باريس.
