أحمد الحاضي
أكد الفنان عبد العزيز الستاتي، واسمه الحقيقي عبد العزيز العرباوي، أنه لم يفكر أبدا في إزالة الأصبع السادس في يده اليسرى.
الستاتي، الذي حل ضيفا على برنامج «في قفص الاتهام» على ميد راديو، اليوم الجمعة (6 يونيو)، قال: «الجمهور اللي سماني الستاتي، ولا يعقل نحيد الصبع اللي زايد عندي، والواحد ما يعرفش فين كاين الخير، ممكن يكون داك الصبع هو اللي فيه البركة».
الستاتي قال أيضا إن مستواه التعليمي “غير مشرف”، على حد تعبيره، لكن “قراني الزمان، الدنيا مدرسة والزمن معلم، ما كاينش شي نيفو كبير في القرايا، وعوضت راسي بالفن، وكون قريت غادي نكون جندي في الحدود».
وعن فنه قال: «الأغاني ديالي ما حاسبهمش، غير جي يا فم وقول، والكلام ديال الأغاني ديالي خديتو في الأول من التراث المغربي الأصيل، ومع زمن التطور ولينا نقلبو على كتاب في المستوى، وأنا راه مني ملحن وعازف.. والفنان اللي كيكون روحي ما كيعزفش على الله، وكاين دراسات ومقامات في الموسيقى، وراني كنخدم بيهم ماشي غير كنعزف، وتعلمت من فنانين كبار».
وحول طريقته في العزف على الكمان، قال الستاتي: “ملي بانت الكاميرا عاد شفت راسي… كيشدني الساكن حتى ما كنبقى نشوف حتى واحد قدامي”.
أما بخصوص الإشاعات التي راجعت حوله فقال الستاتي: «عمري ما ربيت العدو مع أولاد المغرب، أنا ماشي مجرم، والقصة ديال جبدت الجويجة في عين الدياب غير كدوب، واش أنا حمق ندير هاد الجريمة؟ الفنان ملي كيتشهر كتولي عندو ضريبة الشهرة، وديك المخدرات اللي اتهموني فيها غير إشاعة وما منها والو، وراني عمري ما تشديت».
وبروحه المرحة أكد الستاتي أن تغيير المظهر أمر ضروري في الوقت الراهن لكي يتماشى الفنان مع محيطه، وقال: «راني حاط الموسطاش يتصبن (يضحك) راني غادي مع الموضة، حتى هادوك في الحكومة راه نقصو شوية». وأضاف: «عمري نفكر ندير السياسة، حيت السياسة عندها ماليها، أنا كنفهم في الكمنجة ولوتار، يلا درت السياسة نشري بكالة يقول الناس راه ديالنا، اللهم نبقا هاكا».
وقال الستاتي: «هاد الشي عندي رباني، عندي رسالة في الأغاني ديالي، والكلمات هادفة وتعبير قوي بزاف، أنا ما كرهتش نغني بسبعة لغات، ويلا كان عندي وجه السينما نديرها، آش فيها يلا ضحكنا ولاد المغاربة، ومصر بلاد الحضارة راه المغنيين دخلوهم للسينما».
وعن حياته العائلية قال: «عندي جوج عيالات وستة ديال الدراري، واحترماتي لكاع العيالات، وكيبقى الاحترام للمراة المغربية الصبارة اللي كتدافع على الحقوق ديالها».
أما عن مقارنته بسينا هاندصوم فقال الستاتي: «واش 30 سنة ديال الشهرة بحال أربعة يام ديال فايس بوك؟ واش أنا هو سينا».
وكشف الستاتي أن الألبوم الذي سيصدره قريبا يضم أغنية راب، فـ«الألبوم ديالي الجديد فيه أغنية راب مع واحد الميريكاني يالاه جا، وكنقول فيها: كلشي ولا غالي تمارة وإقاريضن أولريلي». وأضاف: «أنا أكبر سياسي بالفن، ومن فمك لربي نولي بقوة التمساح في الفن، ماشي تماسيح السياسة».
