في أول خروج تلفزيوني له بعد تعيينه ناخبا وطنيا، تحدث وليد الركراكي، يوم أمس الأحد (16 أكتوبر)، خلال استضافته في برنامج ”مع الرمضاني” الذي يبث على قناة “الثانية”، عن تحضيرات وجاهزية “أسود الأطلس” خلال كأس العالم المرتقبة في قطر الشهر المقبل، وكذا أحلام وطموحات المنتخب الوطني لخلق المفاجأة في المونديال.
من حق المغاربة يحلمو!
وقال الركراكي إن “المغاربة عندهم الحق يحلمو حيت اليوم عندنا فرقة ولعابة في المستوى والكرة تبدلت ويلا مشينا خايفين بحال كيف درنا في المرات اللي فاتو يمكن ما نديرو والو”.
وأضاف “الخدمة ديالي هي نعطي للدراري الثقة بلي نقدرو إن شاء الله نديرو شي حاجة كبيرة وكنأمن بهاد الشي الصراحة”.
وتابع “مشينا شفنا التيرانات في قطر وقلت للناس تما أننا ما جايينش ندوزو غير سيمانة بغينا إن شاء الله نديرو شي حاجة كبيرة واخا ما غاديش تكون ساهلة”.
وبخصوص المنتخبات التي سيواجهها المنتخب الوطني المغربي في المونديال، قال الركراكي “ما خالعينيش الفراقي ولكن أنا كنحترمهم كيفما بغيت يحترموني”، مضيفا “غندخلو للتيران باش يحترمونا وحتى يلا ما كتابش لينا غادي يقولو فرقة المغرب فرقة كبيرة”.
وتابع الكوتش الركراكي “قلت لدراري ما خاصناش نمشيو للمونديال بحال شي فرقة صغيرة فرحانة تلعب المونديال، حنا دوزنا كأس العالم 2018 خاص هاد التجربة تعاونا، وعندنا الدراري اللي كانو حاضرين في هاد النسخة، ما خاصناش نخافو من شي فرقة ولكن في الكرة را أي فرقة تقدر تخلق المفاجأة وحنا بغينا نكونو من هاد الفراقي إن شاء الله”.
التران تحط على السكة ولا مازال؟
وفي إجابته على جديد استعدادات المنتخب، أكد الركراكي، أن المنتخب الوطني يلزمه المزيد من العمل قبل الموعد المونديالي.
وقال الركراكي “ما زال تابعانا الخدمة الفريق الوطني ماشي بحال نادي، اللعابة ما معاكش كل نهار باش تخدم، كنخدمو غير بالتيليفون كنتصلو بهم بعد المباريات وكنقولو ليهم شنو دارو مزيان وشنو اللي ما داروش مزيان باش حتى هما يقادوهم فراسهم، وملي يوصلو عندنا قبل كأس العالم تكون عندهم فكرة اللي تعاونا”.
وتابع “فاش كيجيو الدراري را كتكون عندنا غير 3 ولا 4 أيام باش نوصلو ليهم شنو باغين في التيران”. مشيرا إلى أن “بانو ليا الدراري فهمو المسؤولية اللي عليهم بلي الشعب المغربي كامل كيتفرج وباغي منهم الكرة”.
شكون غادي للمونديال؟
وتحدث الناخب الوطني وليد الركراكي عن اللائحة النهائية للمنتخب الوطني المغربي قبل مونديال قطر.
وقال مدرب الأسود إن “60 في المائة من اللاعبين غادين للمونديال حيت كوايرية”.
وأضاف “بونو وحكيمي ومزراوي غادين يمشيو معانا للمونديال، وحكيم زياش را أنا عيطت ليه وقلت حرام ما يمشيش للمونديال ما يمكنش ما نديهش”، مشددا على أن “40 في المائة ما زال عندي شهر باش نفكر”.
الجامعة علات النيفو!
كما أشاد المدرب السابق لفريق الوداد البيضاوي، بالجامعة الملكية المغربية لكرة القدم، مشددا على أنها توفر لكتيبة المنتخب الوطني كل الاحتياجات.
وقال الركراكي “اليوم عندنا جامعة اللي تبارك الله علاو النيفو بحال الدول الأوروبية في التنظيم وفي كلشي”.
وأضاف “فاش سافرنا لإسبانيا بان ليا التنظيم بحال اللي في الفرق والمنتخبات الكبيرة”.
وأشار إلى أن “الجامعة كتعطينا جميع الإمكانيات الممكنة باش اللعابة يكونو مرتاحين ونكونو في المستوى، ومقارنة مع ملي كنت كنلعب ودابا را كاين فرق كبير”.
