خرج رئيس الشركة الرياضية لنادي يوسفية برشيد نور الدين البيضي، عن صمته لتوضيح الأخبار المتداولة حول إشرافه على تدريب الفريق بعد إقالة المدرب محمد الكيسر.
وفي اتصال مع موقع “كيفاش”، عبر البيضي عن غضبه من انتشار الخبر المذكور، مؤكدا أنه لا أساس له من الصحة.
وقال البيضي “أنا ديما كنكون مع الفريق في التدرايب ماشي أول مرة، وهادي حياتي الشخصية واش ما نقدرش نكون مع فرقتي؟”.
وأضاف “ما فهمتش علاش الناس كيخليو المهم وكيتبعو هاد الإشاعات، ينشرو داك الشي اللي كيخص الفريق، شكون اللاعبين اللي جبنا، وشنو غنديرو باش ما نبقاوش في أسفل الترتيب، ماشي البيضي درب الفريق وكان راكب في بيكالة”.
وتابع البيضي “الفريق عندو مدرب وغادي يكون حاضر في دكة الاحتياط يوم الخميس أمام فريق الرجاء الرياضي، مع المساعد ديالو ومع المعد البدني”.
ونشرت يومية “الصباح” في عدد نهاية الأسبوع، خبرا يفيد بأن نور الدين البيضي، أشرف على تداريب الفريق يوم الّأربعاء الماضي (31 يناير).
وحسب ما جاء في “الصباح” فإن البيضي برمج حصة للجري لمسافة 13 كيلومترا في محيط المدينة، وسار خلف اللاعبين عبر دراجة هوائية، قبل أن يبرمج تداريب في الملعب بحضور المعد البدني.
